‘ഉത്തര്‍പ്രദേശിനെ കലാപഭൂമിയാക്കാനാണ് പ്രതിപക്ഷ പാര്‍ട്ടികള്‍ ശ്രമിക്കുന്നത്’ എന്നാൽ അത് നടക്കില്ല’; തുറന്നടിച്ച് മുഖ്യമന്ത്രി യോഗി ആദിത്യനാഥ്

ലക്നൗ: ‘ഉത്തര്‍പ്രദേശ് കലാപഭൂമിയാക്കാനാണ്’ പ്രതിപക്ഷ പാര്‍ട്ടികള്‍ ശ്രമിക്കുന്നതെന്ന് മുഖ്യമന്ത്രി യോഗി ആദിത്യനാഥ് (YOGI ADITYANATH). എന്നാല്‍, അത് ഒരിക്കലും നടക്കില്ലെന്നും അദ്ദേഹം ശക്തമായി പ്രതികരിച്ചു.

ഉത്തര്‍പ്രദേശിലെ സ്ഥിതിഗതികള്‍ ശാന്തമാണ് എന്നും ലഖിംപൂര്‍ ഖേരി ജില്ല ആര്‍ക്ക് എപ്പോള്‍ വേണമെങ്കിലും സന്ദര്‍ശിക്കാമെന്നും യോഗി സര്‍ക്കാര്‍ അറിയിച്ചു.

മാത്രമല്ല ലഖിംപൂരില്‍ എന്താണ് നടന്നതെന്ന് തെളിയിക്കുന്ന റിപ്പോര്‍ട്ട് കേന്ദ്രസര്‍ക്കാരിന് സമര്‍പ്പിച്ചിട്ടുണ്ടെന്നും യോഗി സര്‍ക്കാര്‍ വ്യക്തമാക്കിയിട്ടുണ്ട് .

നേരത്തെ ലഖിംപൂര്‍ സന്ദര്‍ശിക്കാന്‍ പ്രതിപക്ഷ പാര്‍ട്ടികളെ അനുവദിക്കില്ലെന്ന് രാഹുല്‍ ഗാന്ധി കുറ്റപ്പെടുത്തിയിരുന്നു. ഏകാധിപത്യ ഭരണമാണ് അവിടെ നടക്കുന്നതെന്നും രാഹുല്‍ ഗാന്ധി പറഞ്ഞിരുന്നു. പിന്നാലെയാണ് ഇത് തള്ളിക്കൊണ്ടുള്ള സര്‍ക്കാര്‍ സ്ഥിരീകരണം പുറത്ത് വരുന്നത്