മോദി കുതിപ്പിൽ ഭാരതം ! കഴിഞ്ഞ അഞ്ച് വർഷത്തിൽ ഇന്ത്യയിലെ 13.5 കോടിയിലധികം പേർ ദാരിദ്ര്യത്തിൽ നിന്ന് കരകയറി

കഴിഞ്ഞ അഞ്ച് വർഷത്തിൽ രാജ്യത്തെ ദാരിദ്ര്യം 10 ശതമാനത്തോളം കുറഞ്ഞുവെന്ന് പഠന റിപ്പോർട്ട്. ആകെ ജനസംഖ്യയുടെ 10 ശതമാനത്തോളം, അഥവാ 13.5 കോടിയിലധികം പേരാണ് ദാരിദ്ര്യത്തിൽ നിന്ന് രക്ഷനേടിയതെന്ന് നീതി ആയോഗ് പുറത്തുവിട്ട റിപ്പോർട്ട് സൂചിപ്പിക്കുന്നത്. 2015-16 നും 2021 മാർച്ച് ഇടയിലുള്ള ഐക്യരാഷ്ട്ര സംഘടനയുടെ മൾട്ടിഡയമൻഷണൽ പോവർട്ടി ഇൻഡക്സ് കണക്കാണ് പഠനത്തിനാധാരമാക്കിയിരിക്കുന്നത്.

നേരത്തെ രാജ്യത്തെ ആകെ ജനസംഖ്യയുടെ 25 ശതമാനമായിരുന്നു ദരിദ്രരുടെ എണ്ണം. ദാരിദ്ര്യത്തിൽ നിന്ന് കരകയറിയവരുടെ പട്ടികയിൽ ഉത്തർ പ്രദേശാണ് മുന്നിലുള്ളത്.സംസ്ഥാനത്ത് 34 ലക്ഷത്തിലധികം പേർ ദാരിദ്ര്യത്തിൽ നിന്ന് കരകയറി. ബീഹാർ, മധ്യപ്രദേശ് എന്നീ സംസ്ഥാനങ്ങൾ അടുത്ത സ്ഥാനങ്ങളിലുണ്ട്. കേരളം, തമിഴ്‌നാട്, ഡൽഹി, ​ഗോവ എന്നിവിടങ്ങളിലാണ് ഏറ്റവും കുറവ് ആളുകൾ ദാരിദ്ര്യത്തിൽ നിന്ന് കരകയറിയത്. രാജ്യത്ത് ഏറ്റവും കുറവ് ദാരിദ്ര്യമുള്ള സംസ്ഥാനമാണ് കേരളം. 2005ൽ 55 ശതമാനമായിരുന്ന ബഹുവിധ ദാരിദ്ര്യം 2021ൽ 16.4 ആയി കുറഞ്ഞെന്ന് യുഎൻ റിപ്പോർട്ടിൽ സൂചിപ്പിക്കുന്നു.