കാശ്മീരിലും ആളുകൾ സുരക്ഷിതരാണ് ! അതിന് ഒരൊറ്റകാരണം “നരേന്ദ്ര മോദി” !

പതിറ്റാണ്ടുകൾക്കിപ്പുറം ജമ്മു കശ്മീരിൽ പുതുവത്സരാഘോഷത്തിന്റെ തിളക്കമാണ്. ശ്രീനഗറിലെ ലാൽ ചൗക്കിൽ വർഷങ്ങൾക്ക് ശേഷമാണ് ഇന്ന് പുതുവത്സര ആഘോഷങ്ങൾ നടന്നത്. ജമ്മു കശ്മീരിലെ ടൂറിസം വകുപ്പാണ് ശ്രീനഗറിലെ ഘണ്ടാ ഘറിൽ പുതുവത്സര സംഗീത പരിപാടി സംഘടിപ്പിച്ചത്. പുതുവത്സര ആഘോഷങ്ങളിൽ പങ്കെടുക്കാൻ നൂറുകണക്കിന് ആളുകൾ ക്ലോക്ക് ടവറിൽ തടിച്ചുകൂടി. അതിന്റെ ദൃശ്യങ്ങളാണ് ഇപ്പോൾ സമൂഹ മാധ്യമങ്ങളിൽ ശ്രദ്ധേയമാകുന്നത്.

നാട്ടുകാരും കശ്മീർ താഴ്‌വര സന്ദർശിക്കുന്ന വിനോദസഞ്ചാരികളും ചടങ്ങിൽ പങ്കെടുക്കുന്നതിന്റെ ദൃശ്യങ്ങളാണ് നമ്മൾ ഇപ്പോൾ കണ്ടത്. ആഘോഷങ്ങളിൽ പങ്കെടുക്കാനെത്തിയ പ്രദേശവാസിയായ ഒരു പെൺകുട്ടിയുടെ പ്രതികരണം ഇപ്രകാരമാണ്…ശ്രീനഗർ നഗരത്തിന്റെ വിവിധ ഭാഗങ്ങളിൽ നിന്നുള്ള പ്രദേശവാസികൾ ഈ പുതുവത്സര ആഘോഷങ്ങളിൽ പങ്കെടുക്കാനെത്തിയിട്ടുണ്ട്. ഇവിടെ വന്നതിൽ എനിക്ക് അതിയായ സന്തോഷമുണ്ട്. ലാൽ ചൗക്കിൽ മുൻപ് ഈ ദൃശ്യങ്ങൾ കണ്ടിട്ടില്ല, ആഘോഷത്തിന്റെ ഭാഗമാകുന്നത് ഭാഗ്യമാണെന്ന് തോന്നുന്നുവെന്നും ലൈറ്റിംഗും അലങ്കാരങ്ങളും ഏറെ ഇഷ്ടപ്പെട്ടതായും പെൺകുട്ടി അഭിപ്രായപ്പെട്ടു. എന്തായാലും, കശ്മീർ താഴ്‌വര സന്ദർശിക്കുന്ന വിനോദസഞ്ചാരികളും ശ്രീനഗറിലെ ക്ലോക്ക് ടവർ ഏരിയയിൽ ആഘോഷങ്ങൾ കണ്ട് അത്ഭുതപ്പെട്ടിരിക്കുകയാണ്. ഗുൽമാർഗ്, പഹൽഗാം, സോൻമാർഗ് തുടങ്ങിയ ടൂറിസ്റ്റ് റിസോർട്ടുകൾ പൂർണ്ണമായും നിറഞ്ഞു കഴിഞ്ഞു. കൂടാതെ, താഴ്‌വരയിൽ വിനോദസഞ്ചാരികളുടെ എണ്ണം വർദ്ധിച്ചുകൊണ്ടിരിക്കുകയാണ്. കശ്മീർ താഴ്വരയിൽ ഉടനീളം പുതുവർഷത്തിന്റെ തലേന്ന് നിരവധി ആഘോഷ പരിപാടികൾ ടൂറിസം വകുപ്പ് സംഘടിപ്പിച്ചിരുന്നു. ഗുൽമാർഗിലെ പ്രധാന റിസോർട്ടുകളിൽ പുതുവത്സരം ആഘോഷിക്കാൻ ഇന്ത്യയുടെ വിവിധ ഭാഗങ്ങളിൽ നിന്നുള്ള കലാകാരന്മാരും ഉണ്ടായിരുന്നു.