കഫക്കെട്ട് കാരണം നിങ്ങൾ ബുദ്ധിമുട്ടുന്നുവോ ? എങ്കിൽ ഇതൊന്ന് പരീക്ഷിക്കൂ,വീട്ടിൽ തന്നെ പരീക്ഷിക്കാം

കഫക്കെട്ട് പലരേയും അലട്ടുന്ന പ്രശ്‌നമാണ്. ഇത് കുട്ടികളേയും മുതിര്‍ന്നവരേയും ഒരുപോലെ അലട്ടുന്ന ഒന്നാണ്. കഫക്കെട്ട് വേണ്ട രീതിയില്‍ പരിഹരിച്ചില്ലെങ്കില്‍ ഇത് അണുബാധ പോലുള്ള പ്രശ്‌നങ്ങളിലേയ്ക്ക് വഴിയൊരുക്കും. പലര്‍ക്കും ആന്റി ബയോട്ടിക്‌സ് പോലുള്ളവ കഴിയ്‌ക്കേണ്ടിയും വരും.കഫം മാറാന്‍ ഇഞ്ചി, വെളുത്തുള്ളി, നാരങ്ങാ എന്നിവ ചേര്‍ത്തുണ്ടാക്കുന്ന ഒരു പ്രത്യേക കൂട്ട് ഉപയോഗിയ്ക്കാം. വെളുത്തുള്ളി ആരോഗ്യത്തിന് ഏറെ നല്ലതാണ്.ഇതിലെ അലിസിന്‍ എന്ന ഘടകമാണ് ഗുണം നല്‍കുന്നത്. ആന്റിഓക്‌സിഡന്റ് സമ്പുഷ്ടമായ ഇത് രോഗപ്രതിരോധശേഷി നല്‍കുന്ന ഒന്നാണ്. കോള്‍ഡ്, പനി തുടങ്ങിയ പല രോഗങ്ങള്‍ക്കും മരുന്നാക്കാവുന്ന ഒന്നാണ് വെളുത്തുള്ളി.

പ്രത്യേകിച്ചും വൈറല്‍ ഇന്‍ഫെക്ഷനുകള്‍ക്ക്. കഫക്കെട്ടിനും വെളുത്തുള്ളി നല്ലൊരു മരുന്നാണ്.ഇതില്‍ ചേര്‍ക്കുന്ന ഇഞ്ചിയും രോഗസംഹാരിയാണ്. പല ഗുണങ്ങളും നല്‍കുന്ന ഇത് വൈറല്‍ ഇന്‍ഫെക്ഷനുകളെ തടയാന്‍ ഏറെ ഗുണകരമാണ്. ഇഞ്ചിയിലെ ജിഞ്ചറോളിനും ആന്റി ഓക്‌സിഡന്റ് ഗുണങ്ങള്‍ ധാരാളമുണ്ട്. ഇതും പനി, കോള്‍ഡ് ഉള്‍പ്പെടെയുള്ള പല രോഗങ്ങള്‍ക്കും മരുന്നായി പൊതുവേ ഉപയോഗിയ്ക്കുന്ന ഒന്നാണ്.
ചെറുനാരങ്ങ വൈറ്റമിന്‍ സി സമ്പുഷ്ടമാണ്. ഇതിനാല്‍ തന്നെയും ഇതിന് പ്രതിരോധശേഷിയും ധാരാളമുണ്ട്. കോള്‍ഡുള്ളപ്പോള്‍ ചെറുനാരങ്ങ പല രീതിയിലും ഉപയോഗിയ്ക്കാറുമുണ്ട്. ഇളം ചൂടുവെള്ളത്തില്‍ നാരങ്ങാനീര് ചേര്‍ത്ത് കുടിയ്ക്കുന്നത് ഏറെ നല്ലതാണ്.ഇന്‍ഫെക്ഷനുകള്‍ക്കും കഫക്കെട്ടിനുമെല്ലാം ചേര്‍ന്ന മരുന്നാണ് ചെറുനാരങ്ങ.

ആരോഗ്യ, മുടി, സൗന്ദര്യ സംരക്ഷണത്തിന് ഒരുപോലെ ഉപയോഗിയ്ക്കാവുന്ന ഒന്നാണ് ഇത്.കഫക്കെട്ടിനുള്ള ഈ മരുന്നിനായി വെളുത്തുള്ളി ചതച്ചത്, ഇഞ്ചി ചതച്ചത് എന്നിവ ഒന്നോ രണ്ടോ ഗ്ലാസ് വെള്ളത്തിലിടുക. വെളുത്തുള്ളി 6-7 എണ്ണമാകാം. ഇഞ്ചി ഇത്തരം കഷ്ണം. ഒരു ചെറുനാരങ്ങ കൂടി ചെറിയ കഷ്ണങ്ങളാക്കി ഇതിലേയ്ക്ക് മുറിച്ചിടുക. ഇത് ഇളം ചൂടില്‍ തിളപ്പിയ്ക്കാം. വെള്ളത്തിന് ഏതാണ് ഇളം വെള്ളനിറമാകും. അപ്പോള്‍ ഇത് വാങ്ങി വയ്ക്കാം.പിന്നീട് ഊറ്റിയെടുത്ത് കുടിയ്ക്കാം. കഫക്കെട്ടിനും കോള്‍ഡിനും തൊണ്ടവേദനയ്ക്കുമെല്ലാം മരുന്നാക്കാവുന്ന ഒന്നാണ് ഇത്.