Kerala

പിണറായിയുടെ യോഗങ്ങളിൽ സ്ഥാനാർഥിയില്ലാതെ പ്രചാരണം; ജയരാജന്റെ അസാന്നിധ്യം അണികൾക്കിടയിൽ ചർച്ചയാകുന്നു

വടകര ലോക്‌സഭ മണ്ഡലം ഇടതുമുന്നണി സ്ഥാനാര്‍ഥി പി ജയരാജനു വേണ്ടി മുഖ്യമന്ത്രിയും സിപിഎം പോളിറ്റ്ബ്യൂറോ അംഗവുമായി പിണറായി വിജയന്‍ ഇന്നലെ പങ്കെടുത്ത സമ്മേളനങ്ങളില്‍ സ്ഥാനാര്‍ഥിയുടെ അഭാവം ചര്‍ച്ചയാകുന്നു. വടകര മണ്ഡലത്തില്‍ കൊയിലാണ്ടി, വടകര, കുറ്റ്യാടി എന്നിവിടങ്ങളിലാണ് ഇന്നലെ തിരഞ്ഞെടുപ്പ് റാലികളും സമ്മേളനവും നടന്നത്. മുഖ്യമന്ത്രി വരുന്ന പരിപാടിയായതിനാല്‍ മണ്ഡലത്തിന്റെ വിവിധ സ്ഥലങ്ങളില്‍നിന്നും വാഹനങ്ങളില്‍ ഈ മൂന്ന് സ്ഥലങ്ങളിലും ആളുകളെ എത്തിച്ചിരുന്നു. എന്നാല്‍ പിണറായി പ്രസംഗിച്ച മൂന്നിടങ്ങളിലും സ്ഥാനാര്‍ഥി പി ജയരാജന്റെ അസാന്നിധ്യമാണ് അണികൾക്കിടയിൽ ചര്‍ച്ചയാകുന്നത്.

സിപിഎമ്മിലെ പിണറായി വിഭാഗം ജയരാജന്റെ കണ്ണൂരിലെ അപ്രമാദിത്തം ഇല്ലാതാക്കാന്‍ മനപൂര്‍വ്വമാണ് വടകരയില്‍ സ്ഥാനാര്‍ഥിയാക്കിയതെന്ന മാധ്യമ വാര്‍ത്തകള്‍ സ്ഥിരീകരിക്കുന്ന നിലയിലാണ് കാര്യങ്ങൾ. വടകര മണ്ഡലത്തില്‍ ഇതുവരെ നടന്ന സാംസ്‌കാരിക നായകര്‍ പങ്കെടുത്തതടക്കമുള്ള പധാന പരിപാടികളിലെല്ലാം ഏതെങ്കിലും ഒരു സമയം ജയരാജന്‍ എത്തിയിരുന്നു. ഇന്നലെ കൂത്തുപറമ്പ് മണ്ഡലത്തിലാണ് ജയരാജന്റെ പര്യടനം ഉണ്ടായിരുന്നത്. ആദ്യം പിണറായി പങ്കടുത്ത കൊയിലാണ്ടിയല്‍ സ്ഥാനാര്‍ഥിക്ക് എത്തിച്ചേരാന്‍ കഴിയാഞ്ഞിട്ടാണെങ്കില്‍ മറ്റ് രണ്ടു സ്ഥലങ്ങളിലും വോട്ടര്‍മാര്‍ക്കിടയില്‍ ചലനമുണ്ടാക്കാന്‍ ജയരാജന്‍ എത്തുമെന്ന പ്രതീക്ഷയിലായിരുന്നു അണികള്‍. എന്നാല്‍ ഇത് അസ്ഥാനത്തായി.

വടകരയില്‍ അടക്കമുള്ള സ്ഥലങ്ങളില്‍ മണ്ഡലത്തിലെ പ്രധാന വിഷയമായ അക്രമ രാഷ്ട്രീയത്തിന്റെ പ്രശ്‌നങ്ങളെ എതിര്‍ക്കാനോ അതിന് മറുപടി നല്‍കാനോ പിണറായി ശ്രമിച്ചില്ല. വടകര നിയമസഭ മണ്ഡലത്തില്‍ അക്രമത്തിനെതിരെ ആര്‍എംപിഐ പോലുള്ള പാര്‍ട്ടികള്‍ ജയരാജനെതിരെ തിരിഞ്ഞ സാഹചര്യത്തില്‍ പ്രതിരോധത്തിനായുള്ള ഒരു വാക്കുപോലും പിണറായിയില്‍ നിന്നും ഉണ്ടായില്ല. ദേശീയ സാഹചര്യങ്ങളും വയനാട്ടിലെ രാഹുലിന്റെ സ്ഥനാര്‍ഥിത്വവുമെല്ലാം പ്രസംഗത്തില്‍ പരാമര്‍ശിച്ചു. അവസാനം നാലുവരിയില്‍ വടകരയിലെ സ്ഥാനാര്‍ഥിയെകുറിച്ച് പറഞ്ഞ് വോട്ടഭ്യര്‍ത്ഥിച്ചാണ് പ്രസംഗം നിര്‍ത്തിയത്. മൂന്നിടങ്ങളിലും ഇതായിരുന്നു അവസ്ഥ.

കഴിഞ്ഞ പാര്‍ട്ടി സമ്മേളനകാലത്താണ് പി ജയരാജന്റെ വ്യക്തിപ്രഭാവം പൊലിപ്പിച്ച് കണ്ണൂരില്‍ ഇറങ്ങിയ വീഡിയോ പാര്‍ട്ടിതലത്തില്‍ ചര്‍ച്ചയായത്. സിപിഎമ്മിന്റെ കേരളത്തിലെ തട്ടകമായ കണ്ണൂര്‍ ജയരാജനെന്ന ഒറ്റയാന്റെ കൈപ്പിടിയിലാകുമെന്ന തോന്നലാണ് പിണറായി വിജയനെയും കോടിയേരിയെയും മാറി ചന്തിക്കാന്‍ പ്രേരിപ്പിച്ചത്. ജില്ലാ സെക്രട്ടറി സ്ഥാനത്തുനിന്നും ജയരാജനെ മാറ്റാനുള്ള നീക്കം കണ്ണൂരിലെ ഏരിയാ നേതൃത്വങ്ങളുടെ ഇടപെടലിലൂടെ പാളുകയായിരുന്നു. പിന്നീടാണ് ലോക്‌സഭ തിരഞ്ഞെടുപ്പില്‍ ജയരാജനെ നിര്‍ത്തി ഒതുക്കാനുള്ള ശ്രമം പാര്‍ട്ടിയില്‍ നടന്നത്.

കണ്ണൂരിലെ പാര്‍ട്ടി യോഗങ്ങളില്‍ ഇക്കാര്യം ഇപ്പോഴും ചര്‍ച്ചാവിഷയമാണ്. ജയരാജന് എളുപ്പം ജയിക്കാമായിരുന്ന കണ്ണൂര്‍ മണ്ഡലത്തില്‍ സീറ്റ് നല്‍കാതിരുന്നത് എന്തുകൊണ്ടാണെന്ന പ്രവര്‍ത്തകരുടെ ചോദ്യത്തിന് നേതൃത്വത്തിന് കൃത്യമായ ഉത്തരമില്ല. ജില്ലാസെക്രട്ടറി മത്സരിക്കുമ്പോള്‍ താല്‍കാലിക ചുമതല നല്‍കാതെ സ്ഥിരം സെക്രട്ടറിയെ കണ്ണൂരില്‍ അവരോധിച്ചതും ചര്‍ച്ചയാകുന്നുണ്ട്. കോട്ടയത്തും കണ്ണൂരിലും പാര്‍ട്ടിക്ക് രണ്ടു നീതിയാണോയെന്ന ചോദ്യവും അണികള്‍ ഉന്നയിക്കുന്നു.

B4 Admin

Recent Posts

ഭക്തിനിർഭരമായ ചടങ്ങുകളോടെ പണ്ഡാര പൊങ്കാല അടുപ്പ് ഒരുങ്ങി: കാർത്തിക പൊങ്കാലയ്ക്കായി ആത്മീയ ആവേശത്തിലേക്ക് ഉണർന്ന് ചക്കുളത്തുകാവ്!

ഭാരതത്തിന്റെ സനാതന സാംസ്കാരിക പൈതൃകത്തിന്റെയും അചഞ്ചലമായ ദേവീഭക്തിയുടെയും പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ വിശ്വപ്രസിദ്ധമായ കാർത്തിക പൊങ്കാല മഹോത്സവത്തിന്…

3 hours ago

സിപിഎം സെക്രട്ടറി സ്ഥാനത്തുനിന്നുള്ള മാറ്റം അറിയാതെയാണ് കോടിയേരി മരിച്ചതെന്ന് വെളിപ്പെടുത്തൽ: പിണറായിക്കെതിരെ ഭാര്യാസഹോദരൻ

സിപിഎം മുൻ സംസ്ഥാന സെക്രട്ടറി കോടിയേരി ബാലകൃഷ്ണന്റെ അവസാന നാളുകളെക്കുറിച്ച് നിർണായക വെളിപ്പെടുത്തലുകളുമായി ഭാര്യയുടെ സഹോദരൻ എസ്.ആർ. വിനയകുമാർ. പാർട്ടി…

10 hours ago

കലാപഭൂമിയിൽ കരുതലിന്റെ കരങ്ങളുമായി ആർ.എസ്.എസ്: മണിപ്പൂരിന്റെ അഖണ്ഡതയും സമാധാനവും കാത്തുസൂക്ഷിക്കാൻ ദേശീയ ദൗത്യം

നവംബർ 16 മുതൽ 20 വരെ അസം, മണിപ്പൂർ എന്നിവിടങ്ങളിൽ ആർ.എസ്.എസ് സർസംഘചാലക് ഡോ. മോഹൻ ഭാഗവത് നടത്തിയ പഞ്ചദിന…

10 hours ago

പഞ്ചാബ് പോലീസുകാരന്റെ കൊലപാതകം: പ്രധാന പ്രതി ഹാപ്പി ബഹ്മാൻ പിടിയിൽ!

പഞ്ചാബ് പോലീസുകാരന്റെ കൊലപാതകക്കേസിൽ പ്രധാന ഷൂട്ടറെന്ന് സംശയിക്കുന്ന ഹാപ്പി ബഹ്മാനെ പിടികൂടി. പഞ്ചാബ് പോലീസിന്റെ ആന്റി ഗ്യാങ്സ്റ്റർ ടാസ്‌ക് ഫോഴ്‌സ്…

10 hours ago

ബാലിയിൽ 50 അടി ഉയരത്തിൽ ഗണേശ വിഗ്രഹം: 126 കലാകാരന്മാരുടെ കരവിരുതിൽ ഗിന്നസ് വേൾഡ് റെക്കോർഡിൽ ഇടംനേടി സനാതന പൈതൃകം!

ഇന്തോനേഷ്യയിലെ ബാലി പ്രവിശ്യയിലെ ജിയാന്യാറിൽ ഉയർന്ന അമ്പത് അടിയിലധികം ഉയരമുള്ള ഭഗവാൻ ഗണേശന്റെ ഭീമൻ ശിൽപ്പം ലോകശ്രദ്ധ പിടിച്ചുപറ്റി ഗിന്നസ്…

10 hours ago

നിറം വർധിപ്പിക്കാൻ ഉപയോഗിച്ച ക്രീമിൽ കൊടുംവിഷം! 17കാരിയുടെ വൃക്കകൾക്ക് ഗുരുതര തകരാർ: മെർക്കുറി കണ്ടെത്തിയത് 12,500 പി.പി.എം

സൗന്ദര്യം വർധിപ്പിക്കാനും ചർമ്മത്തിന് നിറം നൽകാനുമായി ഉപയോഗിച്ച ഫെയർനസ് ക്രീം 17കാരിക്ക് ഗുരുതര ആരോഗ്യപ്രശ്നമായി. ക്രീമിലെ മെർക്കുറി വിഷബാധയെ തുടർന്ന്…

14 hours ago