മു​ക്കു​പ​ണ്ടം പ​ണ​യം​വെ​ച്ച് തട്ടിപ്പ്; 70000 രൂ​പ​യോ​ളം കൈ​പ്പ​റ്റി ക​ട​ന്നു​ക​ളഞ്ഞ രണ്ട് പേർ പോലീസ് പിടിയിൽ

ക​രു​നാ​ഗ​പ്പ​ള്ളി: മു​ക്കു​പ​ണ്ടം പ​ണ​യം​വെ​ച്ച് സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ൽ​ നി​ന്ന് പ​ണം ത​ട്ടി​യെ​ടു​ത്ത സം​ഘ​ത്തിലെ രണ്ടുപേർ അറസ്റ്റിൽ. തേ​വ​ല​ക്ക​ര പാ​ല​യ്ക്ക​ൽ ഹാ​ഷിം മ​ൻ​സി​ലി​ൽ എ​ൻ. മു​ഹ​മ്മ​ദ് ഷാ​ൻ (23), നീ​ണ്ട​ക​ര പു​ത്ത​ൻ​തു​റ ച​മ്പോ​ളി​ൽ വ​ട​ക്ക​തി​ൽ എ​സ്. വി​ഷ്ണു (22) എ​ന്നി​വ​രാ​ണ് അറസ്റ്റിലായത്. ക​രു​നാ​ഗ​പ്പ​ള്ളി പൊ​ലീ​സാണ് പി​ടി​കൂടി​യ​ത്.മ​ക്കാ​ഴേ​ത്ത് ജം​ങ്ഷ​നി​ലു​ള്ള സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ലാ​ണ് ഇ​വ​ർ മു​ക്കു​പ​ണ്ടം പ​ണ​യ​പ്പെ​ടു​ത്താ​നാ​യെ​ത്തി​യ​ത്.

ധ​ന​കാ​ര്യ സ്ഥാ​പ​ന​ത്തി​ലെ​ത്തി 19 ഗ്രാം ​ഓ​ളം തൂ​ക്കം വ​രു​ന്ന മു​ക്കു​പ​ണ്ടം പ​ണ​യ​പ്പെ​ടു​ത്തി 70000 രൂ​പ​യോ​ളം കൈ​പ്പ​റ്റി ക​ട​ന്നു​ക​ള​യു​ക​യാ​യി​രു​ന്നു. സം​ശ​യം തോ​ന്നി​യ സ്ഥാ​പ​ന​മു​ട​മ ന​ട​ത്തി​യ സൂ​ഷ്മ​പ​രി​ശോ​ധ​ന​യി​ലാ​ണ് പ​ണ​യ​പ്പെ​ടു​ത്തി​യ ഉ​രു​പ്പ​ടി​ക​ൾ മു​ക്കു​പ​ണ്ട​മാ​ണെ​ന്ന് തി​രി​ച്ച​റി​യു​ന്ന​ത്.തു​ട​ർ​ന്ന്, ക​രു​നാ​ഗ​പ്പ​ള്ളി പൊ​ലീ​സി​ന് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ കേ​സ്​ ര​ജി​സ്റ്റ​ർ ചെ​യ്ത് ന​ട​ത്തി​യ അ​ന്വേ​ഷ​ണ​ത്തി​ൽ പ്ര​തി​ക​ളെ പൊ​ലീ​സ്​ പി​ടി​കൂ​ടു​ക​യു​മാ​യി​രു​ന്നു. പ്രതിയെ കോടതിയിൽ ഹാജരാക്കി.