പൂയം നാൾ അംബാലിക തമ്പുരാട്ടി നിര്യാതയായി; സംസ്കാരം നാളെ ; പന്തളം വലിയകോയിക്കൽ ക്ഷേത്രം ഏപ്രിൽ ഒന്ന് വരെ അടച്ചു

പന്തളം : രാജകുടുംബാംഗവും തിരുവല്ല നെടുമ്പ്രത്ത് കൊട്ടാരം പരേതനായ മാത്താണ്ഡവർമ്മയുടെ പത്നിയുമായ പൂയം നാൾ അംബാലിക തമ്പുരാട്ടി (സീമന്ദിനി – 90) അന്തരിച്ചു. പന്തളം കൈപ്പുഴ മാളിക കൊട്ടാരത്തിൽ പരേതരായ തന്വംഗി തമ്പുരാട്ടിയുടെയും മാധവൻ നമ്പൂതിരിയുടെയും മകളാണ്. ശനിയാഴ്ച വൈകിട്ട് അഞ്ച് മണിയോടെയായിരുന്നു മരണം. സംസ്കാര ചടങ്ങുകൾ നാളെ ഉച്ചയ്ക്ക് രണ്ട് മണിക്ക് പന്തളം കുളനട മാളിക കൊട്ടാര വളപ്പിൽ നടക്കും.

ലതിക വർമ്മ, ലേഖവർമ്മ, ലീനരാജ എന്നിവരാണ് മക്കൾ. ശ്രീകുമാർ വർമ്മ മാളിയേയ്ക്കൽ മOo തൃപ്പൂണിത്തുറ,സന്തോഷ്കുമാർ വർമ്മ കിളിമാനൂർ, വാസുദേവ രാജ ഇരിഞ്ഞാലക്കുട എന്നിവരാണ് മരുമക്കൾ

രാജകുടുംബാംഗത്തിന്റെ നിര്യാണത്തെത്തുടർന്ന് അശൂലം ആയതിനാൽ പന്തളം വലിയ കോയിക്കൽ ധർമ്മശാസ്താ ക്ഷേത്രം താൽക്കാലികമായി അടച്ചു. മരണാനന്തര ചടങ്ങുകൾക്കും ശുദ്ധിക്രിയകൾക്കും ശേഷം ഏപ്രിൽ ഒന്ന് ബുധനാഴ്ച മാത്രമേ ക്ഷേത്രനട വീണ്ടും തുറക്കുകയുള്ളൂവെന്ന് കൊട്ടാരം നിർവാഹക സമിതി അറിയിച്ചു.