അയോദ്ധ്യയിലെ പ്രാണപ്രതിഷ്‌ഠ !രാജ്യത്തെ ക്ഷേത്രങ്ങളിൽ ശുചീകരണ യജ്ഞം നടത്തണമെന്ന പ്രധാനമന്ത്രി നരേന്ദ്ര മോദിയുടെ ആഹ്വാനം! ആദികേശവ പെരുമാൾ ക്ഷേത്രത്തിൽ ശുചീകരണ പ്രവർത്തനങ്ങളിൽ പങ്കെടുത്ത് ഖുശ്ബു

അയോദ്ധ്യയിലെ പ്രാണപ്രതിഷ്ഠയോടനുബന്ധിച്ച് രാജ്യത്തെമ്പാടുമുള്ള ക്ഷേത്രങ്ങളിൽ ശുചീകരണ യജ്ഞം നടത്തണമെന്ന് പ്രധാനമന്ത്രി നരേന്ദ്ര മോദിയുടെ ആഹ്വാനത്തിന് പിന്നാലെ ക്ഷേത്ര ശുചീകരണ പ്രവർത്തനങ്ങളിൽ പങ്കെടുത്ത് ബിജെപി നേതാവും ദേശീയ വനിതാ കമ്മീഷൻ അംഗവും സിനിമാ താരവുമായ ഖുശ്‌ബു. ആദികേശവ പെരുമാൾ ക്ഷേത്രത്തിൽ നടന്ന ശുചീകരണ പ്രവർത്തനങ്ങളിലാണ് ഖുശ്‌ബു പങ്കാളിയായത്.

അയോദ്ധ്യക്ഷേത്രം പൊതുജനങ്ങൾക്കായി തുറന്നുകൊടുക്കുന്നതിനായി കാത്തിരിക്കുകയാണ്. മുസ്ലീങ്ങൾ ഭജനകൾ വായിക്കുന്നു. പെയിന്റിംഗുകൾ ചെയ്യുകയും ഭജനകൾ വായിക്കുകയും ചെയ്യുന്ന കൊച്ചുകുട്ടികളുണ്ട്… ഇതുപോലുള്ള കാര്യങ്ങളാണ് രാജ്യത്തെ ഒരുമിച്ച് കൊണ്ടുവരുന്നത്. ഇതാണ് പ്രധാനമന്ത്രി മോദി സംസാരിക്കുന്നത്.’- ഖുശ്ബു പ്രതികരിച്ചു.

നേരത്തെ പ്രധാനമന്ത്രി നരേന്ദ്ര മോദിയെ കാണാനുള്ള ഭർതൃമാതാവിന്റെ ആഗ്രഹവും ഖുശ്ബു സാധിച്ചു കൊടുത്തിരുന്നു. ’92ാം വയസ്സിൽ ഒരു വലിയ മോദി ആരാധികയായ എന്റെ ഭർതൃമാതാവിന് ഇത്രയധികം സന്തോഷം നൽകിയതിന് നമ്മുടെ ബഹുമാനപ്പെട്ട പ്രധാനമന്ത്രി ശ്രീ നരേന്ദ്രമോദി ജിക്ക് നന്ദി പറയാൻ വാക്കുകളില്ല.’- എന്ന അടിക്കുറിപ്പോടെ ചിത്രങ്ങൾ ഖുശ്ബു സമൂഹ മാദ്ധ്യമമായ എക്സിൽ പങ്കുവച്ചു.