പ്രധാനമന്ത്രി നരേന്ദ്ര മോദിയുടെ ഫ്രാൻസ് സന്ദർശനം വെറുതെയല്ല ! ഇനി ശത്രു രാജ്യങ്ങൾ പ്രകോപനമുണ്ടാക്കാൻ രണ്ടാമതൊന്ന് ആലോചിക്കും; എത്തുന്നു 26 റഫാലും 3 സ്കോർപീൻ അന്തർവാഹിനിയും ; ഇന്ത്യ ഇനി അജയ്യർ !

ദില്ലി : ഇന്ത്യൻ വ്യോമസേനയുടെ മൂർച്ച കൂട്ടാൻ കൂടുതൽ റഫാൽ പോർവിമാനങ്ങൾ എത്തിയേക്കുമെന്ന് റിപ്പോർട്ട്. മിസൈലുകളും ആണവ പോർമുനകളും വഹിക്കാൻ ശേഷിയുള്ള മധ്യദൂര മൾട്ടിറോൾ പോർവിമാനമാണ് റഫാൽ. ഫ്രാൻസിൽ നിന്ന് 26 റഫാൽ യുദ്ധവിമാനങ്ങൾ വാങ്ങാൻ ഇന്ത്യ തയാറെടുക്കുന്നതായി പ്രമുഖ വാർത്താ ഏജൻസി റിപ്പോർട്ട് ചെയ്തു. 3 സ്കോർപീൻ ക്ലാസ് അന്തർവാഹിനികളും ഇന്ത്യൻ സേനയുടെ ഭാഗമാകും എന്നാണ് ലഭിക്കുന്ന വിവരം.

പ്രധാനമന്ത്രി നരേന്ദ്ര മോദിയുടെ ഫ്രാൻസ് സന്ദർശനത്തിൽ ഇത് സംബന്ധിച്ച പ്രഖ്യാപനമുണ്ടാകുമെന്നാണു കരുതുന്നത് . സേനകൾ സമർപ്പിച്ച ശുപാർശകൾ പ്രതിരോധ മന്ത്രാലയത്തിന്റെ സജീവ പരിഗണനയിലാണ്. ശുപാർശ പരിഗണിക്കപ്പെടുകയാണെങ്കിൽ ഇന്ത്യൻ നാവികസേനയ്ക്കു 22 സിംഗിൾ സീറ്റ് റഫാൽ മറീൻ പോർവിമാനവും 4 പരിശീലന വിമാനവും സ്വന്തമാകും.

സുരക്ഷാഭീഷണി വർധിക്കുന്നതിനാൽ പുതിയ ആയുധങ്ങൾ എത്രയും വേഗം വേണമെന്നു നാവികസേന ആവശ്യപ്പെടുന്നുണ്ട്. വിമാനങ്ങൾക്ക് പുറമെ പ്രോജക്ട് 75ന്റെ ഭാഗമായി സ്കോർപീൻ ക്ലാസ് അന്തർവാഹിനികളും സേന ആവശ്യപ്പെട്ടിട്ടുണ്ട്. 90,000 കോടിയോളം രൂപയുടെ ഇടപാടാണ് ഇതെന്നാണു വിവരം. എന്നാൽ .ചർച്ചകൾക്കുശേഷം അന്തിമ തീരുമാനത്തിലെത്തിയാലേ ഇക്കാര്യത്തിൽ കൃത്യത വരുത്താൻ സാധിക്കൂ. ‘മേക്ക് ഇൻ ഇന്ത്യ’ പദ്ധതി പ്രകാരം നിർമാണം ഇവിടെ നടത്തണമെന്നും വില കുറയ്ക്കണമെന്നും ഇന്ത്യ ആവശ്യപ്പെടും. നേരത്തെ തന്നെ ഇന്ത്യൻ സേനയുടെ ഭാഗമായ റഫാൽ വിമാനങ്ങൾ പാകിസ്ഥാൻ, ചൈന അതിർത്തിയോടു ചേർന്ന തന്ത്രപ്രധാന വ്യോമതാവളങ്ങളിലാണു വിന്യസിച്ചിരിക്കുന്നത്.