കറുപ്പിനോട് വെറുപ്പുള്ള മുഖ്യന് കരിങ്കൊടിയിൽ മറുപടി;കൊല്ലത്ത് മുഖ്യമന്ത്രിക്ക് നേരെ പ്രതിഷേധം ശക്തം

കൊല്ലം: ആഴക്കടൽ മത്സ്യബന്ധന ബോട്ട് വിതരണ പദ്ധതിയുടെ ഭാഗമായി കൊല്ലത്തെത്തിയ മുഖ്യമന്ത്രി പിണറായി വിജയന് നേരെ പ്രതിഷേധം ശക്തം.കറുപ്പിനോട് വെറുപ്പുള്ള മുഖ്യന് കരിങ്കൊടിയിലാണ് ജനങ്ങൾ മറുപടി നൽകിയത്.ആർവൈഎഫ് പ്രവർത്തകരാണ് കരിങ്കൊടി വീശിയതെന്നാണ് അറിയാൻ കഴിയുന്നത്.കേന്ദ്ര ഫിഷറീസ് മന്ത്രി പാർഷോത്തം രൂപാല മുഖ്യാതിഥിയായി പങ്കെടുത്ത ചടങ്ങ് കഴിഞ്ഞ് മടങ്ങുമ്പോഴാായിരുന്നു മുഖ്യമന്ത്രിക്ക് നേരെ കരിങ്കൊടി കാട്ടിയത്. പ്രതിഷേധിച്ച പ്രവർത്തകരെ പൊലീസ് കസ്റ്റഡിയിലെടുത്തു.ശക്തികുളങ്ങരയിൽ വച്ചായിരുന്നു പ്രതിഷേധം ആരംഭിച്ചത്.

അതിനിടെ കൊല്ലത്ത് നടന്ന മുഖ്യമന്ത്രിയുടെ പരിപാടിയിൽ ആളെ കൂട്ടാൻ കോർപറേഷൻ മേയർ നൽകിയ കത്ത് വിവാദത്തിലായി. അങ്കണവാടി ജീവനക്കാരെ പരിപാടിയിൽ പങ്കെടുപ്പിക്കണമെന്ന ആവശ്യവുമായി കൊല്ലം മേയർ പ്രസന്ന ഏർണസ്റ്റ് ശിശു വികസന ഓഫീസർമാർക്ക് അയച്ച കത്താണ് വിവാദമായത്. ശ്രീനാരായണ ഗുരു സാംസ്കാരിക സമുച്ചയം ഉദ്ഘാടനത്തിന് ജീവനക്കാരെ പങ്കെടുപ്പിക്കാനാണ് നിർദ്ദേശം നൽകിയത്.