പഞ്ചാബിലെ അനധികൃത ഖനനത്തെക്കുറിച്ച് ആശങ്ക പ്രകടിപ്പിച്ച് ഗവർണർ ബൻവാരി ലാൽ പുരോഹിത്; പ്രതികൾക്കെതിരെ രാജ്യദ്രോഹ കുറ്റം ചുമത്തണമെന്ന് ആവശ്യം

പഞ്ചാബ്: ഇന്ത്യ-പാകിസ്ഥാൻ അതിർത്തിക്ക് സമീപം സംസ്ഥാനത്ത് നടക്കുന്ന അനധികൃത ഖനന വിഷയത്തിൽ ആശങ്ക പ്രകടിപ്പിച്ച് ഗവർണർ ബൻവാരി ലാൽ പുരോഹിത്. കൂടാതെ പ്രതികൾക്കെതിരെ രാജ്യദ്രോഹ കുറ്റം ചുമത്തണമെന്നും പറഞ്ഞു.

പഞ്ചാബിലെ അതിർത്തി പ്രദേശത്തെ അനധികൃത ഖനനം “വളരെ ഉത്കണ്ഠാജനകമാണ് എന്നും ഇത് കാരണം ഇന്ത്യൻ സൈന്യത്തിന്റെ ബങ്കറുകളും പാലങ്ങളും ഉൾപ്പെടെയുള്ള തന്ത്രപ്രധാനമായ ഘടനകൾ നശിപ്പിക്കപ്പെടുകയാണെന്നും പറഞ്ഞു. . “അതിർത്തി പ്രദേശത്ത് നടക്കുന്ന അനധികൃത ഖനന പ്രശ്നം വളരെ ആശങ്കാജനകമാണ്. ഇക്കാരണത്താൽ, സൈന്യത്തിന്റെ ബങ്കറുകൾ നശിപ്പിക്കപ്പെടുന്നു, ഇത് ഏറ്റവും ആശങ്കാജനകമാണ്,” പഞ്ചാബ് ഗവർണർ പറഞ്ഞു.

ഇതിന് പിന്നിൽ ആരായാലും കർശന നടപടി സ്വീകരിക്കും. അവർക്കെതിരെ രാജ്യദ്രോഹ കുറ്റം ചുമത്തണം. ഈ പ്രവർത്തനങ്ങൾ തടയാൻ ഞങ്ങൾ എല്ലാ ജില്ലാ ഓഫീസർമാരുമായും സംസാരിക്കുകയും എല്ലാ ഗ്രാമങ്ങളിലും സിവിൽ ഡിഫൻസ് കമ്മിറ്റി രൂപീകരിക്കണമെന്ന് അവരോട് പറഞ്ഞിട്ടുണ്ടെന്നും പഞ്ചാബ് ഗവർണർ പറഞ്ഞു. .