‘വിശുദ്ധനായ ബിഷപ്പ് ഫ്രാങ്കോയേ ഞങ്ങൾക്ക് വേണ്ടി അപേക്ഷിക്കേണമേ’: പരിഹസിച്ച് ആർ ജെ മാത്തുക്കുട്ടി; സോഷ്യൽ മീഡിയകളിൽ കടുത്ത പ്രതിഷേധം

കോട്ടയം: കന്യാസ്ത്രീയെ ബലാത്സംഗം ചെയ്ത കേസിൽ പ്രതിയായ ബിഷപ്പ് ഫ്രാങ്കോ മുളയ്ക്കലിനെ വെറുതെ വിട്ട കോടതി വിധിക്കെതിരെ സോഷ്യൽ മീഡിയകളിൽ കടുത്ത പ്രതിഷേധം ഉയരുന്നു..

കോടതി വിധിയെ പരിഹസിച്ച് ആർ.ജെ മാത്തുക്കുട്ടി രംഗത്ത് വന്നിരിക്കുകയാണ് ഇപ്പോൾ. ‘വിശുദ്ധനായ ബിഷപ്പ് ഫ്രാങ്കോയേ ഞങ്ങൾക്ക് വേണ്ടി അപേക്ഷിക്കേണമേ’
എന്ന് മാത്തുക്കുട്ടി തന്റെ ഫേസ്ബുക്കിൽ കുറിച്ചു.

അതേസമയം, ഫ്രാങ്കോ മുളയ്ക്കലിനെ വെറുതെ വിട്ട കോടതി വിധി അംഗീകരിക്കാൻ സാധിക്കാത്തതെന്ന് കേസിലെ അന്വേഷണ ഉദ്യോഗസ്ഥൻ കോട്ടയം മുൻ എസ് പി ഹരിശങ്കർ പറഞ്ഞു. ആശ്ചര്യകരമായ വിധിയാണ് കോടതിയിൽ നിന്നുണ്ടായതെന്നും അപ്പീൽ പോകുമെന്നും അദ്ദേഹം വ്യക്തമാക്കി.

മാത്രമല്ല സർക്കാരുമായി ആലോചിച്ച് അപ്പീൽ പോകുമെന്ന് പബ്ലിക്ക് പ്രോസിക്യൂട്ടറും ആവർത്തിച്ചു.

ബിഷപ്പ് കുറ്റം ചെയ്തെന്ന് തെളിയിക്കുന്നതിൽ പ്രോസിക്യൂഷൻ പരാജയപ്പെട്ടെന്ന് കോടതി വിധി പ്രസ്താവത്തിൽ പറഞ്ഞു.

തുടർന്ന് കോട്ടയം അഡീഷണൽ സെഷൻസ് കോടതി ജഡ്ജി ജി. ഗോപകുമാറാണ് വിധി പുറപ്പെടുവിച്ചത്.

വിധി കേൾക്കാൻ കോടതിയിൽ ബിഷപ്പ് ഫ്രാങ്കോ മുളയ്ക്കൽ ഫിലിപ്പ്, ചാക്കോ എന്നീ സഹോദരൻമാർക്കൊപ്പം കോടതിയിൽ എത്തിയിരുന്നു.

പബ്ലിക് പ്രോസിക്യൂട്ടർ അഡ്വ. ജിതേഷ് ജെ ബാബു, അന്വേഷണ ഉദ്യോഗസ്ഥരായിരുന്ന ഡിവൈഎസ്പി കെ സുഭാഷ്, എസ്ഐ മോഹൻദാസ് എന്നിവരും കോടതിയിൽ ഹാജരായിരുന്നു.

തിരുവാഭരണ ഘോഷയാത്ര മൂന്നാം ദിന കാഴ്ചകൾ | LIVE | Day 3