തണുത്ത് വിറച്ച് രാജസ്ഥാൻ ;ഓറഞ്ച് അലർട്ട് പ്രഖ്യാപിച്ചു

ജയ്പൂർ: അതിശൈത്യത്തിൽ വിറച്ച് രാജസ്ഥാൻ. തിങ്കളാഴ്ച രാത്രിമൈനസ് ഒന്ന് ഡിഗ്രി സെൽഷ്യസ് താപനിലയാണ് രാജസ്ഥാനിലെ ഫത്തേപൂരിൽ രേഖപ്പെടുത്തിയത്. ചുരുവിൽ -0.9 ഡിഗ്രി സെൽഷ്യസായിരുന്നു താപനില. അതിശൈത്യമായതോടെ പല മേഖലകളിലും ഓറഞ്ച് അലർട്ട് പ്രഖ്യാപിച്ചിരിക്കുകയാണ്.

ഹിമാചൽ പ്രദേശ്, പഞ്ചാബ്, ഹരിയാന, ഛണ്ഡീഗഡ്, വടക്കൻ രാജസ്ഥാൻ തുടങ്ങിയ സ്ഥലങ്ങളിലും അടുത്ത അഞ്ച് ദിവസം തണുപ്പ് വളരെ കൂടുതലായിരിക്കുമെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി . കഴിഞ്ഞ ദിവസങ്ങളിൽ ഡൽഹിയിൽ കടുത്ത തണുപ്പും മൂടൽ മഞ്ഞുമാണ് അനുഭവപ്പെട്ടത്. ശീതക്കാറ്റ് വീശുന്നതിനാൽ ജനങ്ങൾ ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകി.