പന്തളം: ആർ എസ് എസ് കാര്യാലയം അക്രമിസംഘം അടിച്ചു തകർത്തു. ഇന്നലെ രാത്രി ബൈക്കിലെത്തിയ സംഘമാണ് കാര്യാലയം അടിച്ചു തകർത്തത്. കഴിഞ്ഞ ദിവസം പന്തളം എൻ എസ് എസ് കോളേജിൽ നടന്ന സംഘർഷത്തിന്റെ തുടർച്ചയാണ് കാര്യാലയത്തിന് നേരെ ഉണ്ടായ അക്രമം. എസ് എഫ് ഐ പ്രവർത്തകർ കോളേജിലെ എ ബി വി പി പ്രവർത്തകർക്കെതിരെ വ്യാപകമായി അക്രമം അഴിച്ചുവിട്ടിരുന്നു. ഉന്നത പോലീസ് ഉദ്യോഗസ്ഥർ സ്ഥലത്തെത്തി അന്വേഷണം ആരംഭിച്ചിട്ടുണ്ട്. ഡി വൈ എഫ് ഐ പ്രവർത്തകരാണ് ആക്രമണം നടത്തിയതെന്ന് ആർ എസ് എസ് ആരോപിച്ചു. പുതുതായി പണികഴിപ്പിച്ച താലൂക്ക് കാര്യാലയമാണ് ആക്രമണത്തിന് ഇരയായത്.
എൻ എസ് എസ് കോളേജിലുണ്ടായ അക്രമം പുറത്തേയ്ക്ക് പടരുകയാണ്. ഒരു എ ബി വി പി പ്രവർത്തകന്റെ വീണ്ടും കഴിഞ്ഞ ദിവസം ഡി വൈ എഫ് ഐ പ്രവർത്തകർ ആക്രമിച്ചിരുന്നു. തുടർന്നാണ് ആർ എസ് എസ് കാര്യാലയത്തിന്റെ ജനൽ ചില്ലുകൾ അടിച്ചു തകർത്തത്. പ്രതികളെ കുറിച്ച് സൂചനകൾ ലഭിച്ചിട്ടുണ്ടെന്ന് പോലീസ് പറഞ്ഞെങ്കിലും ആരെയും അറസ്റ്റ് ചെയ്തിട്ടില്ല. രാത്രി ശബ്ദം കേട്ടുണർന്ന അയൽവാസികളാണ് കാര്യാലയം ആക്രമിച്ച വിവരം ആദ്യം അറിയുന്നത്.
ആലപ്പുഴ: അരൂരില് അതിഥി തൊഴിലാളികളില് നിന്ന് 2000ത്തിലധികം കഞ്ചാവ് മിഠായികള് പിടികൂടി എക്സൈസ്. ഉത്തര്പ്രദേശ് സ്വദേശികളായ രാഹുല് സരോജ്, സന്തോഷ്…
കൊല്ലം: കൊല്ലത്ത് ശുചിമുറിയില് ക്യാമറ വച്ച യൂത്ത് കോണ്ഗ്രസ് പ്രാദേശിക നേതാവ് അറസ്റ്റില്. തെന്മല സ്വദേശി ആഷിക് ബദറുദ്ദീന് (30)…
തിരുവനന്തപുരം: കനത്ത മഴയിൽ അമ്മതൊട്ടിലിൽ എത്തിയ കുഞ്ഞതിഥിക്ക് ‘മഴ’ എന്ന പേരിട്ട് ശിശുക്ഷേമ സമിതി. സംസ്ഥാന ശിശുക്ഷേമ സമിതി തിരുവനന്തപുരത്ത്…