രാജ്യത്തിന്റെ സുരക്ഷ ഉറപ്പാക്കാനും സംസ്കാരത്തെ സംരക്ഷിക്കാനുമാണ് ആർഎസ്എസ് പ്രവർത്തിക്കുന്നത്; ഖാർഗെയ്ക്ക് മറുപടിയുമായി സർകാര്യവാഹ് ദത്താത്രേയ ഹൊസബാളെ

ദില്ലി: കോൺഗ്രസ് അദ്ധ്യക്ഷൻ മല്ലികാർജുൻ ഖാർ​ഗെയുടെ പ്രസ്താവന തള്ളി ആർഎസ്എസ്.സർകാര്യവാഹ് ദത്താത്രേയ ഹൊസബാളെ. രാജ്യത്ത് ആർഎസ്എസിനെ നിരോധിക്കണമെന്ന് കഴിഞ്ഞ ദിവസം മല്ലികാർജുൻ ഖാർ​ഗെ പറഞ്ഞിരുന്നു. രാജ്യത്തിന്റെ സുരക്ഷ ഉറപ്പാക്കാനും സംസ്കാരത്തെ സംരക്ഷിക്കാനുമാണ് ആർഎസ്എസ് പ്രവർത്തിക്കുന്നതെന്നും ഖാർ​ഗെ മുൻ അനുഭവങ്ങളിൽനിന്നും പഠിക്കണമെന്നും സർകാര്യവാഹ് പ്രതികരിച്ചു

“നിരോധിക്കാൻ തക്കതായ കാരണം വേണം. രാജ്യത്തിന്റെ സുരക്ഷ ഉറപ്പാക്കാനും സംസ്കാരത്തെ സംരക്ഷിക്കാനുമാണ് ആർഎസ്എസ് പ്രവർത്തിക്കുന്നത്. മൂന്ന് തവണ നിരോധിക്കാൻ നോക്കിയിട്ടും ജനങ്ങളും കോടതിയും വിധിയെഴുതി. ആർഎസ്എസ് മുന്നോട്ട് പോകുകയാണെന്നും സമൂഹം ആർഎസ്എസിനെ സമൂഹം അം​ഗീകരിച്ചു.”-സർകാര്യവാഹ് പറഞ്ഞു.

നേരത്തെ കർണാടകയിൽ രാഷ്ട്രീയ കോളിളക്കം സൃഷ്ടിച്ചുകൊണ്ട്, പൊതുസ്ഥലങ്ങളിലും സർക്കാർ സ്ഥാപനങ്ങളിലും മുൻകൂർ അനുമതിയില്ലാതെ രാഷ്ട്രീയ സ്വയംസേവക സംഘത്തിൻ്റെ പ്രവർത്തനങ്ങൾ നിരോധിച്ചുകൊണ്ടുള്ള സംസ്ഥാന സർക്കാരിന്റെ ഉത്തരവ് വലിയ ചർച്ചാവിഷയമായിരുന്നു. ഇസ്‌ലാമിസ്റ്റുകളെ പ്രീതിപ്പെടുത്താൻ എടുത്ത ഈ ഉത്തരവ് സംസ്ഥാന വ്യാപകമായി വൻ പ്രതിഷേധമാണ് വിളിച്ചു വരുത്തിയത്. പിന്നാലെ പൊതു, സർക്കാർ ഉടമസ്ഥതയിലുള്ള വേദികളിൽ പരിപാടികൾ നടത്തുന്നതിന് അധികാരികളുടെ മുൻകൂർ അനുമതി നിർബന്ധമാക്കിയ കർണ്ണാടക സർക്കാരിന്റെ ഉത്തരവിനെതിരെ ഹൈക്കോടതിയുടെ ധാർവാഡ് ബെഞ്ച് ചൊവ്വാഴ്ച ഇടക്കാല സ്റ്റേ പുറപ്പെടുവിച്ചു.

സംസ്ഥാനത്തുടനീളമുള്ള പൊതു സ്ഥലങ്ങളിലും സർക്കാർ ഉടമസ്ഥതയിലുള്ള സ്ഥലങ്ങളിലും രാഷ്ട്രീയ ആർഎസ്എസ് പ്രവർത്തനങ്ങൾ നിരോധിക്കണമെന്ന് ആവശ്യപ്പെട്ട് പ്രിയങ്ക് ഖാർഗെ, മുഖ്യമന്ത്രി സിദ്ധരാമയ്യയ്ക്ക് അയച്ച കത്തിന്റെ അടിസ്ഥാനത്തിലായിരുന്നു സർക്കാർ ഉത്തരവ് പുറപ്പെടുവിച്ചത്.

ഒക്ടോബർ 16-ന് നടന്ന കർണ്ണാടക മന്ത്രിസഭാ യോഗത്തിൽ പൊതുസ്ഥലങ്ങളിലും സർക്കാർ ഉടമസ്ഥതയിലുള്ള സ്ഥലങ്ങളിലും പരിപാടികൾ നടത്തുന്നതിന് അധികാരികളുടെ അനുമതി തേടണമെന്ന് കർണാടക സർക്കാർ ആവശ്യപ്പെട്ടു. ആർ‌എസ്‌എസിനെക്കുറിച്ച് നേരിട്ട് പരാമർശിച്ചിട്ടില്ലെങ്കിലും, ആർ‌എസ്‌എസ് പ്രവർത്തനങ്ങളെ നിയന്ത്രിക്കുക എന്നത് തന്നെയായിരുന്നു ഈ നീക്കത്തിന്റെ പ്രധാന ലക്ഷ്യം. ഈ നീക്കമാണ് തകർന്നത്