സ്വാഭാവിക റബ്ബറിന് താങ്ങുവില പ്രഖ്യാപിക്കുന്നത് കേന്ദ്രസർക്കാരിന്റെ പരിഗണനയിലില്ല; കേന്ദ്രമന്ത്രി

ദില്ലി: സ്വാഭാവിക റബ്ബറിനു താങ്ങുവില പ്രഖ്യാപിക്കുന്നത് കേന്ദ്രസർക്കാരിന്റെ പരിഗണനയിലില്ലെന്ന് വ്യവസായ സഹമന്ത്രി അനുപ്രിയ പട്ടേൽ.

എംപിമാരായ ആന്റോ ആന്റണിയെയും അടൂർ പ്രകാശിനെയുമാണ് വ്യവസായ സഹമന്ത്രി അറിയിച്ചത്.

അതേസമയം റബ്ബറിന്റെയും അനുബന്ധ മേഖലയുടെയും വികസനത്തിനായി റബർ ആക്ടിൽ മാറ്റം വരുത്തുന്നതിനുള്ള നീക്കങ്ങൾ കേന്ദ്രസർക്കാർ ആരംഭിച്ചിട്ടുണ്ട്.

എന്നാൽ പുതിയ നിയമപ്രകാരം ഇറക്കുമതി, കയറ്റുമതി എന്നിവയിൽ റബ്ബർ ബോർഡിന്റെ അധികാര പരിധി കുറയില്ലെന്നും ഈ മേഖല നേരിടുന്ന വെല്ലുവിളികൾ ലഘൂകരിക്കാനാണ് പുതിയ നിയമം കൊണ്ടുവരുന്നതെന്നും മന്ത്രി വ്യക്തമാക്കി.