അന്താരാഷ്ട്ര യോഗാ ദിനത്തോട് അനുബന്ധിച്ച് സദ്ഗുരു ജഗ്ഗിവാസുദേവ് നല്‍കുന്ന പ്രത്യേക സന്ദേശം

തിരുവനന്തപുരം : എല്ലാ വര്‍ഷത്തേയും പോലെ ഈ മാസം 21 അന്താരാഷ്ട്ര യോഗാദിനമായി ആഘോഷിക്കുകയാണല്ലോ. രണ്ട് വര്‍ഷമായി ലോകത്തെ പിടിച്ചു കുലുക്കുന്ന കോവിഡ് മഹാമാരിക്ക് ഇനിയും ഒരു ശമനമുണ്ടായിട്ടില്ല എന്നത് ഒരു സത്യമാണ്. ഇന്ത്യയുള്‍പ്പെടെയുള്ള ലോകരാജ്യങ്ങളില്‍ കോവിഡ് വരുത്തിയ ദുരന്തങ്ങള്‍ക്ക് കൈയും കണക്കുമില്ല. കോവിഡിന്റെ രണ്ടാം തരംഗം ഇപ്പോഴും നമ്മളെ മുള്‍മുനയില്‍ നിര്‍ത്തിയിരിക്കുകയാണ്. ഈ സാഹചര്യത്തില്‍ ഇത്തവണത്തെ യോഗ ദിനാചരണത്തിന് പ്രസക്തി കൂടുതലാണെന്ന് പ്രത്യേകം പറയേണ്ടതില്ലല്ലോ.

ശാരീരികമായും മാനസികമായും ഉയര്‍ന്ന തലങ്ങളിലേക്ക് നമ്മെ കൊണ്ട് പോകാനും
പ്രതിസന്ധികളെ നേരിടാനും ഭാരത്തിന്റെ ആത്മീയാചാര്യന്‍മാര്‍ രൂപം നല്‍കിയ യോഗയും അനുബന്ധമാര്‍ഗ്ഗങ്ങളും ഈ പ്രതിസന്ധി ഘട്ടത്തില്‍ നമ്മെ ഏറെ സഹായിക്കും. അന്താരാഷ്ട്ര യോഗ ദിനത്തോട് അനുബന്ധിച്ച് സദ്ഗുരു ജഗ്ഗി വാസുദേവ് നല്‍കുന്ന പ്രത്യേക സന്ദേശം ഈ അവസരത്തില്‍ പങ്കിടുകയാണ്.