ശനി ദേവനെ ആരാധനയോടെ പൂജിക്കാം;സൗഭാഗ്യങ്ങൾ നിങ്ങളെ തേടി വരും,അറിയേണ്ടതെല്ലാം

ജ്യോതിഷ പ്രകാരം നീതി ദേവനായാണ് ശനി ദേവനെ കണക്കാക്കുന്നത്.ആരാധനയോടെ ശനി ദേവനെ പൂജിച്ചാൽ ഫലം കിട്ടുമെന്നാണ് പറയപ്പെടുന്നത്.മനുഷ്യന് അവന്റെ പ്രവൃത്തികളുടെ അടിസ്ഥാനത്തില്‍ ഫലം നല്‍കുന്ന ദൈവമാണ് ശനി എന്നാണ് കണക്കാക്കുന്നത്. ജ്യേഷ്ഠ മാസത്തിലെ അമാവാസി ദിനത്തിലാണ് ശനി ജയന്തി ആഘോഷിക്കുന്നത്. ഈ ദിവസം ദേവനെ ആരാധിക്കുന്നവര്‍ക്ക് പ്രത്യേക അനുഗ്രഹങ്ങള്‍ ലഭിക്കും. സൂര്യ ദേവന്റെയും ഛായ ദേവിയുടെയും മകനാണ് ശനി ദേവൻ.

ശനി ജയന്തി പൂജാവിധികള്‍

ശനി ജയന്തി ദിനത്തില്‍ ശനി ദേവനെ ആരാധിക്കുന്നതിന് പ്രത്യേക പ്രാധാന്യമുണ്ട്. ഈ ദിവസം അതിരാവിലെ എഴുന്നേറ്റ് കുളിച്ച് ശുദ്ധമായിരിക്കുക. ശനിദേവന്റെ വിഗ്രഹത്തില്‍ എണ്ണയും പുഷ്പഹാരവും പ്രസാദവും അര്‍പ്പിക്കുക. ഉലുവയും എള്ളും സമര്‍പ്പിക്കുക. അതിനുശേഷം വിളക്ക് കൊളുത്തി ശനി മന്ത്രം ചൊല്ലുക. ഈ ദിവസം വ്രതമനുഷ്ഠിക്കുന്നതിലൂടെ ശനിദേവന്റെ പ്രത്യേക അനുഗ്രഹം ലഭിക്കും. ശനി ജയന്തി ദിനത്തില്‍ ദരിദ്രര്‍ക്ക് ഭക്ഷണം നല്‍കുന്നത് വളരെ ശുഭകരമായ ഫലങ്ങള്‍ നല്‍കും.

ഈ ദിവസം ദാനധര്‍മ്മങ്ങള്‍ ചെയ്യുന്നതിലൂടെ ജീവിതത്തിലെ എല്ലാ വിഷമതകളും മാറുമെന്നാണ് വിശ്വാസം.ശനി ദേവിനെ പൊതുവെ എല്ലാവരും ഭയത്തോടെയാണ് നോക്കിക്കാണുന്നത്. ശനി ബാധിച്ചാല്‍ ജീവിതം തന്നെ ഇല്ലാതാകുമെന്ന വിശ്വാസവും ഉണ്ട്. എന്നാല്‍ സത്യം ഇതിനപ്പുറമാണ്. വിശുദ്ധ ഗ്രന്ഥങ്ങള്‍ അനുസരിച്ച്, ശനി ദേവ് ഒരു വ്യക്തിയുടെ പ്രവൃത്തികള്‍ക്കനുസരിച്ചാണ് ഫലം നല്‍കുന്നത്. കര്‍മ്മഫലമാണ് ശനി ദേവന്‍ നല്‍കുക എന്നതാണ് വിശ്വാസം.

ശനി ദേവിനെ പ്രീതിപ്പെടുത്താന്‍ ഇക്കാര്യങ്ങള്‍ ചെയ്യാം

ശനി ദേവനെ പ്രസാദിപ്പിക്കാന്‍ നിരവധി മന്ത്രങ്ങളുണ്ട്. ഈ മന്ത്രങ്ങള്‍ ജപിച്ചാല്‍ ശനി ദേവനെ പ്രസാദിപ്പിക്കുകയും ജീവിതപ്രശ്‌നങ്ങള്‍ മാറുകയും ചെയ്യും. ശനി ജയന്തി ദിവസം വൈകുന്നേരം പടിഞ്ഞാറ് ദിശയില്‍ വിളക്ക് തെളിയിക്കുക.ഇതിനുശേഷം, ”ഓം ശം അഭയഹസ്തായ നമഃ” എന്ന് ജപിക്കുകയും ”ഓം ശം ശനീശ്വരായ നമഃ” എന്ന് കുറഞ്ഞത് 11 ജപിക്കുകയും പ്രദക്ഷിണവും ചെയ്യുക. ഇതുകൂടാതെ ‘ഓം നീലാഞ്ജന സമാഭാസം രവിപുത്രം യമാഗ്രജം, ഛായാ മാര്‍ത്താണ്ഡ സംഭൂതം തം നമാമി ശനൈഛരം’ എന്ന മന്ത്രം ജപിച്ചും ശനിദേവനെ പ്രസാദിപ്പിക്കാം.