പ്രധാനമന്ത്രി നരേന്ദ്രമോദിയുടെ അഞ്ച് വർഷത്തെ ഭരണനേട്ടത്തിൽ വിവരിക്കുന്ന സംഗീത ആൽബം സമൂഹമാധ്യമങ്ങളിൽ വൈറലാകുന്നു

പ്രശസ്ത സംഗീതസംവിധായകനും ഗായകനുമായ ശങ്കർ മഹാദേവനാണ് വീഡിയോ നിർമ്മിച്ചിരിക്കുന്നത്. സ്വന്തം കൃതിയായ Breathless എന്ന പ്രശസ്ത ഗാനത്തിന്റെ ശൈലിയിലാണ് ഈ ഗാനവും ചിട്ടപ്പെടുത്തിയിട്ടുള്ളത്.

ഒരു മിനിറ്റ് 32 സെക്കന്റ് ദൈർഘ്യമുള്ള പാട്ടിന്റെ ദൃശ്യാവിഷ്കാരത്തിൽ മോദിയുടെ ഭരണനേട്ടങ്ങളാണ് ഉൾക്കൊള്ളിച്ചിരിക്കുന്നത്. Skill India, ജൻധൻ, ആധാർ കാർഡ്, Make in India പദ്ധതികൾ മുതൽ വിവിധ രംഗങ്ങളിലെ വളർച്ചയും ഗാനത്തിൽ രേഖപ്പെടുത്തുന്നുണ്ട്. Non-stop India എന്ന് പേരിട്ടിരിക്കുന്ന ഗാനത്തിൽ കഴിഞ്ഞ 5 വർഷം കൊണ്ട് ഇന്ത്യയുടെ പ്രതിശ്ചായ മാറിയതായും സാധാരണ പൗരന്റെ ആത്മവിശ്വാസം വർദ്ധിച്ചതായും പറയുന്നുണ്ട്.

സൈനിക രംഗത്തും ബഹിരാകാശ രംഗത്തും ഇന്ത്യ കൈവരിച്ച നേട്ടങ്ങളും ദൃശ്യങ്ങളിലുണ്ട്, വാരണാസിയിലെ ഗംഗാ ആരതിയും ലോകയോഗ ദിനത്തോനോടനുബന്ധിച്ച് പാരിസിലെ ഈഫൽ ടൗവറിന്റെ പശ്ചാത്തലത്തിൽ യോഗ ചെയ്യുന്ന യുവാക്കളും ദൃശ്യങ്ങളുടെ ഭാഗമാകുന്നു. സ്വച്ഛ് ഭാരത് പദ്ധതിയുടെ ഭാഗമായി പ്രധാനമന്ത്രി തെരുവ് വൃത്തിയാക്കുന്നതും ഇതിൽ പ്രമേയമാക്കിയിട്ടുണ്ട്.

വീഡിയോ കാണാം