ഈശ ഫൗണ്ടേഷൻ ആസ്ഥാനത്ത് ആദിയോഗിയുടെയും സത്ഗുരുവിന്റെയും സാന്നിധ്യത്തിൽ ശിവരാത്രിയാഘോഷം ഇന്ന്; കേന്ദ്ര ആഭ്യന്തരമന്ത്രി അമിത് ഷാ പങ്കെടുക്കും; തത്സമയ കാഴ്ചയൊരുക്കി തത്വമയി

കോയമ്പത്തൂർ: ഈശാ ഫൗണ്ടേഷൻ ആസ്ഥാനത്ത് ശിവരാത്രി ആഘോഷങ്ങൾ ഇന്ന്. വൈകുന്നേരം 6 മണിക്ക് ആരംഭിക്കുന്ന ചടങ്ങുകൾ നാളെ പുലർച്ചെ ആറു മണിവരെ നീളും. കേന്ദ്ര ആഭ്യന്തര മന്ത്രി അമിത് ഷാ ഇത്തവണത്തെ ചടങ്ങുകളിൽ മുഖ്യാതിഥി ആയിരിക്കും. കർണ്ണാടക ഉപമുഖ്യമന്ത്രി ഡി കെ ശിവകുമാറും ആഘോഷങ്ങളിൽ പങ്കെടുക്കും. 12 മണിക്കൂർ നീളുന്ന ചടങ്ങുകൾ തത്വമയി തത്സമയം സംപ്രേക്ഷണം ചെയ്യും.

ഒഡീഷ ഗവർണർ ഹരിബാബു കംഭംപാട്ടി, പഞ്ചാബ് ഗവർണർ ഗുലാബ് ചന്ദ് കഠാരിയ, കേന്ദ്ര നിയമ പാർലമെൻററി കാര്യമന്ത്രി അർജുൻ റാം മേഘ്‌വാൾ, കേന്ദ്ര ഇൻഫർമേഷൻ ആൻഡ് ബ്രോഡ്‌കാസ്റ്റിംഗ്‌ സഹമന്ത്രി എൽ മുരുഗൻ, മഹാരാഷ്ട്ര മന്ത്രി സഞ്ജയ് റാത്തോഡ്, തമിഴ്‌നാട് കർണ്ണാടക സംസ്ഥാനങ്ങളിൽ നിന്നുള്ള ജനപ്രതിനിധികൾ, കലാകാരന്മാർ ചലച്ചിത്ര താരങ്ങൾ, വ്യവസായ പ്രമുഖർ, കായിക താരങ്ങൾ തുടങ്ങിയവർ പങ്കെടുക്കും.

അർദ്ധരാത്രിയോടെ സത്ഗുരു മഹാമന്ത്ര ദീക്ഷ നൽകും.പുലർച്ചെ ബ്രാഹ്മമുഹൂർത്തത്തിൽ ശംഭോ ധ്യാനവും അദ്ദേഹം നയിക്കും. മിറക്കിൾ ഓഫ് ദി മൈൻഡ് എന്ന സൗജന്യ മെഡിറ്റേഷൻ ആപ്പും അദ്ദേഹം പുറത്തിറക്കും. 20 ലധികം ഭാഷകളിൽ 150 ലധികം ചാനലുകൾ പരിപാടി തത്സമയം സംപ്രേക്ഷണം ചെയ്യും. 70 രാജ്യങ്ങളിൽ നിന്നുള്ളവർ കോയമ്പത്തൂരിലെ ചടങ്ങിൽ നേരിട്ട് പങ്കെടുക്കും. 150 രാജ്യങ്ങളിൽ നിന്നനുള്ളവർ തത്സമയ സംപ്രേക്ഷണം കാണുമെന്നാണ് കണക്ക്.