ഗായിക ചിന്മയിയുടെ ഔദ്യോ​ഗിക അക്കൗണ്ട് പൂട്ടി ഇൻസ്റ്റഗ്രാം;ചില പുരുഷന്മാർ തനിക്ക് അശ്ലീലചിത്രങ്ങളയച്ചത് റിപ്പോർട്ട് ചെയ്തതിനാലാണ് ഇൻസ്റ്റാ​ഗ്രാമിന്റെ നടപടിയെന്ന് ചിന്മയി ട്വിറ്ററിലൂടെ അറിയിച്ചു

ഗായിക ചിന്മയിയുടെ ഔദ്യോ​ഗിക അക്കൗണ്ട് പൂട്ടി ഇൻസ്റ്റഗ്രാം. തന്റെ ‘ബാക്ക്അപ്പ്’ അക്കൗണ്ടിലൂടെ ചിന്മയി തന്നെയാണ് ഇക്കാര്യം അറിയിച്ചത്. ചില പുരുഷന്മാർ തനിക്ക് അശ്ലീലചിത്രങ്ങളയച്ചത് റിപ്പോർട്ട് ചെയ്തതിനാലാണ് ഇൻസ്റ്റാ​ഗ്രാമിന്റെ ഈ നടപടിയെന്ന് ചിന്മയി ട്വിറ്ററിലൂടെ അറിയിച്ചു. ബാക്ക് അപ്പ് അക്കൗണ്ടിനേക്കുറിച്ചുള്ള വിവരങ്ങളും ചിന്മയി പങ്കുവച്ചു.

“അവസാനം ഇൻസ്റ്റഗ്രാം എന്റെ യഥാർത്ഥ അക്കൗണ്ട് നീക്കം ചെയ്തു. അധിക്ഷേപിക്കുന്നവരെ നിലനിർത്തിക്കൊണ്ട് ശബ്ദമുയർത്തുന്നവരെ ഒഴിവാക്കി.” ചിന്മയി ഇൻസ്റ്റാ​ഗ്രാമിൽ എഴുതി.

മീ ടൂ തുറന്നുപറച്ചിൽ നടത്തിയതോടെ കഴിഞ്ഞ കുറേ നാളുകളായി ചിന്മയി വിമർശനങ്ങൾ നേരിടുകയാണ്. ഏതാനും ദിവസങ്ങൾക്ക് മുമ്പ് ഇരട്ടക്കുട്ടികൾക്ക് ജന്മം നൽകിയ അവസരത്തിലും ചിന്മയിക്കെതിരെ പരിഹാസം ഉയർന്നിരുന്നു