നേപ്പാളിനെ ക്രിസ്ത്യൻ രാഷ്ട്രമായി മാറ്റാൻ ഒരുങ്ങി ദക്ഷിണ കൊറിയൻ മിഷണറിമാർ;നിയമവിരുദ്ധമായി മതപരിവർത്തത്തിനു വിധേയരാക്കുന്നത് രാജ്യത്തെ ദരിദ്രരെ

കാഠ്മണ്ഡു : ഇന്ന് ലോകത്ത് ഏറ്റവും വേഗത്തിൽ വികസിച്ചു കൊണ്ടിരിക്കുന്ന ക്രിസ്ത്യൻ സമൂഹങ്ങളിലൊന്നാണ് നേപ്പാളിലേത്. ആളുകളെ മറ്റൊരു മതത്തിലേക്ക് പരിവർത്തനം ചെയ്യുക എന്നത് നേപ്പാളിൽ നിയമവിരുദ്ധമാണ്, എന്നാൽ ക്രിസ്ത്യൻ വിശ്വാസം പ്രചരിപ്പിക്കാൻ മിഷണറിമാർ നിയമവെല്ലുവിളികൾക്കിടയിലും തയ്യാറാണ്.

പുതുതായി പരിവർത്തനം ചെയ്യപ്പെട്ടവരുടെ കൈകൾ ഉയർത്തിയുള്ള പ്രാർത്ഥന ഹിമാലയത്തിന്റെ താഴ്‌വരയിലുള്ള ഝാർലാങ് ഗ്രാമത്തിലെ സ്ഥിരം കാഴ്ചയായി മാറുകയാണ്. പുരാതന ആത്മീയ ആചാരമായ ലാമ വിശ്വാസം പിന്തുടരുന്ന തദ്ദേശീയരായ തമാങ് സമൂഹത്തിൽ നിന്നുള്ളവരാണ് ഇത്തരത്തിൽ മത പരിവർത്തനത്തിനു വിധേയമായവരിൽ ഭൂരിഭാഗവും.

തലസ്ഥാനമായ കാഠ്മണ്ഡുവിൽ നിന്ന് വടക്ക്-പടിഞ്ഞാറുള്ള ധാഡിംഗ് ജില്ലയിൽ കഴിഞ്ഞ 20 വർഷങ്ങൾക്കിടയിൽ 70 ഓളം പള്ളികളാണ് പുതുതായി സ്ഥാപിക്കപ്പെട്ടത്. ഇതിനായി കൊറിയൻ പള്ളികളാണ് സാമ്പത്തിക സഹായം നൽകുന്നത്.

ദേശീയ ക്രിസ്ത്യൻ കമ്മ്യൂണിറ്റി സർവേയിൽ നിന്നുള്ള ഏറ്റവും പുതിയ റിപ്പോർട്ടിൽ പറയുന്നത് ഹിന്ദുക്കൾക്ക് ഭൂരിപക്ഷമുള്ള രാജ്യത്ത് ഇപ്പോൾ 7,758 പള്ളികളാണുള്ളത് എന്നാണ് .

ഈ പരിവർത്തനത്തിന് പിന്നിൽ വലിയ പങ്കു വഹിക്കുന്നത് ദക്ഷിണ കൊറിയയാണ്. കൊറിയൻ വേൾഡ് മിഷൻ അസോസിയേഷന്റെ കണക്കനുസരിച്ച്, ലോകത്തെ ഏറ്റവും കൂടുതൽ മിഷണറിമാരെ അയയ്ക്കുന്ന രാജ്യങ്ങളിലൊന്നായി നേപ്പാൾ മാറിയിരിക്കുന്നു

മിഷണറിമാർ ദക്ഷിണ കൊറിയക്കാരാണ്, ഹിന്ദു രാജ്യവും ഭഗവാൻ ബുദ്ധന്റെ ജന്മസ്ഥലവുമായ നേപ്പാളിൽ ലോകത്തിലെ ഏറ്റവും വേഗത്തിൽ വളരുന്ന ക്രിസ്ത്യൻ സമൂഹങ്ങളിലൊന്ന് കെട്ടിപ്പടുക്കാൻ അവർ ശ്രമിക്കുന്നു .

നേപ്പാളിലെ ക്രിസ്ത്യൻ സംഖ്യകളിലെ കുതിച്ചുചാട്ടത്തിൽ ഭൂരിഭാഗവും ദളിതർ എന്ന് സ്വയം വിളിക്കുന്ന – പരമ്പരാഗതമായി ഹിന്ദു ജാതി ശ്രേണിയുടെ താഴെയുള്ളവരാണ്. ദാരിദ്ര്യത്തിൽ നിന്നും വിവേചനത്തിൽ നിന്നും രക്ഷപ്പെടാനുള്ള അവസരമായി അവർ മതപരിവർത്തനത്തെ കാണുന്നു .