സംസ്ഥാന സ്‌കൂൾ കലോത്സവം !ഇത്തവണയും സസ്യാഹാരം മാത്രമെന്ന് വിദ്യാഭ്യാസ മന്ത്രി

സംസ്ഥാന സ്കൂൾ കലോത്സവത്തിന് ഇത്തവണയും സസ്യാഹാരമാകും ഉണ്ടാകുകയെന്ന് വിദ്യാഭ്യാസ വകുപ്പ് മന്ത്രി വി. ശിവൻകുട്ടി . സംഘാടക സമിതി യോഗത്തിലായിരുന്നു മന്ത്രി തീരുമാനം അറിയിച്ചത്.
കലോത്സവത്തിൽ മാദ്ധ്യമങ്ങൾക്ക് നിയന്ത്രണം ഏർപ്പെടുത്തുമെന്നും മന്ത്രി വ്യക്തമാക്കി. അക്രഡിറ്റേഷനുള്ള മാദ്ധ്യമപ്രവർത്തകർക്ക് പ്രത്യേക പാസ് നൽകും. മാദ്ധ്യമ പ്രവർത്തകർക്ക് വരുന്ന കലോത്സവം മുതൽ ഗ്രീൻ റൂമിൽ പ്രവേശനം ഉണ്ടാകില്ല. നവമാദ്ധ്യമങ്ങളെ നിയന്ത്രിക്കുമെന്നും മന്ത്രി അറിയിച്ചു.

കഴിഞ്ഞ കലോത്സവത്തിൽ ഭക്ഷണവുമായി ബന്ധപ്പെട്ട് വിവാദം ഉയർന്നിരുന്നു.അടുത്ത കലോത്സവം മുതൽ നോൺ വെജ് ഭക്ഷണവും മെനുവിൽ ഉണ്ടാകുമെന്നും ബിരിയാണി കൊടുക്കാൻ ആഗ്രഹമുണ്ടെന്നുമായിരുന്നു മന്ത്രി പറഞ്ഞിരുന്നത്. മാത്രമല്ല ഇറച്ചിയും മീനും വിളമ്പാൻ കലോത്സവ മാനുവൽ പരിഷ്‌കരിക്കുമെന്നും ശിവൻകുട്ടി അന്ന് വ്യക്തമാക്കിയിരുന്നു.​