യേശുവാണ് ഏറ്റവും ശക്തനായ ദൈവം, ഹിന്ദുക്കൾ വിഭൂതിയണിഞ്ഞ കഴുത; സ്കൂൾ അധ്യാപികയുടെ മതപരിവർത്തന പ്രവർത്തി പുറംലോകത്തെ അറിയിച്ച് ആറാം ക്ലാസ്സുകാരി

തിരുപ്പൂർ: തമിഴ്‌നാട്ടിലെ സർക്കാർ സ്കൂൾ അധ്യാപികയുടെ മതപരിവർത്തന ശ്രമം പുറംലോകത്തെ അറിയിച്ച് ആറാം ക്ലാസ്സുകാരി. അധ്യാപികയുടെ പ്രവർത്തനങ്ങളെ കുറിച്ച് പെൺകുട്ടി പോലീസ് ഉദ്യോഗസ്ഥരോട് മൊഴി നൽകിയതോടെയാണ്‌ ഞെട്ടിക്കുന്ന വിവരങ്ങൾ പുറത്ത് വന്നത്.

അധ്യാപിക നിർബ്ബന്ധിച്ച് മതം മാറ്റാൻ ശ്രമിച്ചെന്നും മതത്തിന്റെ പേരിൽ അധിക്ഷേപിച്ചെന്നും പെൺകുട്ടി മൊഴി നൽകി. മാത്രമല്ല അവർ തന്നെ വിഭൂതിയണിഞ്ഞ കഴുത എന്ന് വിളിച്ചെന്നും, ഒരിക്കൽ അവർ വെള്ളത്തിൽ കൈ മുക്കിയ ശേഷം യേശുവിനെ കുറിച്ച് സംസാരിച്ചെന്നും കുട്ടി പറഞ്ഞു. പിന്നീട് അവർ ഹിന്ദു പെൺകുട്ടികളുടെ വയറ്റിൽ കൈയ്യിലെ വെള്ളം കൊണ്ട് മൂന്ന് തവണ ഉഴിഞ്ഞെന്നും പെൺകുട്ടി പറഞ്ഞു.

ഇതുകൂടാതെ ഒരിക്കൽ ക്ലാസിൽ വെച്ച് പ്രാർത്ഥിക്കാൻ അധ്യാപിക ആവശ്യപ്പെട്ടു. സ്വന്തം ജീവൻ നൽകി നമ്മെ രക്ഷിച്ചത് ആരാണെന്ന് അവർ തങ്ങളോട് ചോദിച്ചു. ഞങ്ങൾ പല പേരുകൾ പറഞ്ഞപ്പോൾ, എന്തു കൊണ്ട് നിങ്ങൾ യേശു ക്രിസ്തുവിന്റെ പേര് പറയുന്നില്ല എന്ന് അവർ ചോദിച്ചെന്നും പെൺകുട്ടി പറയുന്നു.

മാത്രമല്ല ആരാണ് ഏറ്റവും ശക്തനായ ദൈവം എന്ന് അധ്യാപിക  ചോദിച്ചു. ഇതിനു ശിവൻ എന്ന് പറഞ്ഞപ്പോൾ അവർ തിരുത്തിയെന്നും യേശുവാണ് ഏറ്റവും ശക്തനായ ദൈവം എന്ന് അവർ പറഞ്ഞെന്നും പെൺകുട്ടി മൊഴിയിൽ വ്യക്തമാക്കി.