സപ്ലൈകോ പ്രതിസന്ധി,കേന്ദ്ര സർക്കാരിന് നൽകാനുള്ളത് അഞ്ച് വർഷത്തെ ഓഡിറ്റ് റിപ്പോർട്ട്. പ്രതിസന്ധി പരിഹരിക്കാൻ മൂന്നംഗ സമിതി

തിരുവനന്തപുരം- കടുത്ത സാബ്ബത്തിക പ്രതിസന്ധിയെ തുടർന്ന് ഉഴലുന്ന സപ്ലൈകോയെ കരകയറ്റാൻ മൂന്നംഗ സംഘത്തെ സർക്കാർ നിയോഗിച്ചു. സിവിൽ സപ്ലൈസ് സെക്രട്ടറി, സപ്ലൈകോ എം.ഡി, പ്ലാനിംഗ് ബോർഡ് അംഗം എന്നിവരടങ്ങുന്നതാണ് സമിതി.
15 ദിവസത്തിനകം റിപ്പോർട്ട് നൽകാനാണ് നിർദ്ദേശം. ഗുരുതര സാബ്ബത്തിക പ്രതിസന്ധി നേരിടുന്ന സപ്ലൈകോ അടച്ചു പൂട്ടലിൻറെ വക്കിലാണ്. 250 കോടിയെങ്കിലും ഉടൻ ലഭിക്കണമെന്ന് ഭക്ഷ്യ മന്ത്രി ധനമന്ത്രിയുടെ ശ്രദ്ധയിൽ പെടുത്തിയെങ്കിലും പണം ഇതുവരെ അനുവദിച്ചു നൽകിയില്ല. 700 കോടി രൂപയാണ് ഭക്ഷവസ്ഥുക്കൾ നൽകുന്ന കബനികൾക്ക് സപ്ലൈകോ നൽകാനുള്ളത്. സപ്ലൈകോയിലെ 13 ഇന സബ്സിഡി സാധനങ്ങൾക്ക് കഴിഞ്ഞ ഏഴ് വർഷമായി വില വർദ്ധിപ്പിച്ചിട്ടില്ല. എന്നാൽ, ഇത് നിർത്തലാക്കി സബ്സിഡി ഭക്ഷ്യ വസ്തുക്കൾക്ക് ഉടൻ വില വർദ്ധിപ്പിക്കാതെ പിടിച്ചു നിൽക്കാനാവില്ലെന്നാണ് സപ്ലൈകോയുടെ വിലയിരുത്തൽ. ഇത് പ്രതിഷേധത്തിന് ഇടയാക്കും.
2018 മുതലുള്ള ഓഡിറ്റ് റിപ്പോർട്ട് കേന്ദ്ര സർക്കാരിന് സമർപ്പിച്ചാൽ അവിടെ നിന്നുള്ള വിഹിതം അനുവധിക്കാമെന്ന് കേന്ദ്ര ഭക് ഷ്യ മന്ത്രാലയം സംസ്ഥാന സർക്കാരിനെ അറിയിച്ചു. എന്നാൽ ഓഡിറ്റ് റിപ്പോർട്ട് സമർപ്പിക്കാൻ സർക്കാർ വിമുഖത കാട്ടുന്നതാണ് കേന്ദ്ര വിഹിതം ലഭിക്കാൻ തടസമാകുന്നത്.