ജനപ്രിയ നേതാവിന്റെ പേരിന്റെ സ്പെല്ലിങ്ങിൽ മാറ്റം; ജ്യൂയിഷ് ന്യൂമറോളജി പ്രകാരം പേരില്‍ ഒരു അക്ഷരം അധികമായി ചേര്‍ത്ത് പ്രിയ താരം

കൊച്ചി: മലയാള സിനിമ താരവും മുന്‍ രാജ്യസഭ എംപിയുമായ സുരേഷ് ഗോപി തന്റെ പേരില്‍ ചെറിയ രീതിയില്‍ മാറ്റം വരുത്തി. ജ്യൂയിഷ് ന്യൂമറോളജി പ്രകാരം പേരില്‍ ഒരു അക്ഷരം അധികമായി ചേര്‍ത്താണ് നടന്‍ തന്റെ പേരില്‍ മാറ്റം വരുത്തിയിരിക്കുന്നത്. .

Suresh Gopi എന്ന പേരിന് പകരം Suressh Gopi എന്നാക്കിയാണ് താരം തന്റെ ഔദ്യോഗിക പേജുകളില്‍ മാറ്റം വരുത്തിയരിക്കുന്നത്. പേരില്‍ ഇംഗ്ലീഷ് അക്ഷരമാലയിലെ എസ് (S) എന്ന അക്ഷരമാണ് സുരേഷ് ഗോപി തന്റെ പേരിനൊപ്പം കൂട്ടിചേര്‍ത്തിരിക്കുന്നത്.

സുരേഷ് ഗോപിക്ക് പുറമെ മലയാള സിനിമയിലെ മറ്റ് ചില പ്രമുഖരും സമാനമായി പേരുകളില്‍ മാറ്റം വരുത്തിട്ടുണ്ട്. ജ്യൂയിഷ് ന്യൂമറോളജി പ്രകാരം ഇവര്‍ തങ്ങളുടെ പേരുകളില്‍ പെട്ടെന്ന് ശ്രദ്ധിക്കാത്ത വിധമാണ് ചെറിയ മാറ്റങ്ങള്‍ വരുത്തുന്നത്. നടന്‍ ദിലീപ്, സംവിധായകന്‍ ജോഷി, നടിമാരായ ലെന, റായി ലക്ഷ്മി, റോമ തുടങ്ങിയവര്‍ ഇത്തരത്തില്‍ തങ്ങളുടെ പേരുകളില്‍ മാറ്റം വരുത്തിട്ടുണ്ട്.

ദിലീപ് ഇംഗ്ലീഷില്‍ തന്റെ പേരിനൊപ്പം I എന്ന ഒരു അക്ഷരം അധികമായി ചേര്‍ത്തിരുന്നു. ഏറ്റവും അവസാനമായി ദിലീപിന്റേതായ ഒടിടി റിലീസ് ചിത്രം കേശു ഈ വീടിന്റെ നാഥന്‍ എന്ന ചിത്രത്തില്‍ താരത്തിന്റെ പേര് Dilieep എന്നായിരുന്നു നല്‍കിയിരുന്നുത്. സംവിധായകന്‍ ജോഷി തന്റെ പേരിനൊപ്പം Y എന്ന് ഇംഗ്ലീഷ് അക്ഷരം ചേര്‍ത്ത് Joshiy എന്നാക്കി മാറ്റുകയായിരുന്നു.

നടി ലെന തന്റെ LENA എന്ന പേരില്‍ നിന്നും LENAA എന്നാക്കി. റോമ തന്റെ പേര് ROMAയ്ക്കൊപ്പം അവസാനം H ചേത്ത് ROMAH എന്നാക്കി മാറ്റി. നേരത്തെ ലക്ഷ്മി റായി എന്ന പേരായിരുന്നു നടി റായി ലക്ഷ്മിക്ക്. അത് ഇതുപോലെ ന്യൂമറോളജി പ്രകാരം റായി ലക്ഷ്മി എന്ന് തിരുത്തുകയായിരുന്നു.