കുത്തിയിരിപ്പ് സമരവുമായി രണ്ട് അധ്യാപികമാർ: വിദ്യാഭ്യാസ വകുപ്പ് കുത്തഴിഞ്ഞു കിടക്കുന്നുവോ?

തിരുവനന്തപുരം: 10 വർഷത്തെ പ്രവർത്തി പരിചയ സർട്ടിഫിക്കറ്റ്നൽകാത്തതിനെ തുടർന്ന് പ്രതിഷേധവുമായി അധ്യാപികമാർ. പൂജപ്പുര LBS കോമ്പൗണ്ടിൽ പ്രവർത്തിക്കുന്ന സെന്റർ ഫോർ ഡിസബിലിറ്റി സ്റ്റഡീസ് എന്ന സ്ഥാപനത്തിൽ ജോലി ചെയ്തു വന്നിരുന്ന രണ്ട് അധ്യാപികമാരാണ് രംഗത്ത് വന്നിരിക്കുന്നത്.

2012 മുതൽ ജോലി ചെയ്തു വന്നിരുന്ന രണ്ട് അധ്യാപികമാർക്ക് ഈ കാലയളവിലെ എക്സ്പീരിയൻസ് ലെറ്റർ നൽകാൻ കഴിയില്ലെന്ന് അധികൃതർ അറിയിക്കുകയായിരുന്നു. 10 വർഷത്തോളം ഉള്ള പ്രവർത്തി പരിചയ സർട്ടിഫിക്കറ്റ് ലഭിക്കാതെ വന്നതോടെ ഇവർക്ക് തുടർ ജോലികളിൽ പ്രവേശിക്കാൻ സാധിക്കുന്നില്ലെന്നാണ് ഇവർ പറയുന്നത്. ഇതേതുടർന്ന് ഇരുവരും സ്ഥാപനത്തിന് മുന്നിൽ പ്രതിഷേധവുമായി രാവിലെ മുതൽ കുത്തിയിരിപ്പ് സമരത്തിലാണ്.