ഇനി 5-ജിയുഗം ; അടുത്തവർഷം ഒക്ടോബറോടെ 80 ശതമാനം പ്രദേശത്തും 5-ജി,ഡിസംബറോടെ 5-ജിയുടെ വ്യാപനവേഗം കൂട്ടുമെന്ന് കേന്ദ്ര ടെലികോം മന്ത്രാലയം

ദില്ലി : അടുത്തവർഷം ഒക്ടോബറോടെ രാജ്യത്തെ 80 ശതമാനം പ്രദേശത്തും 5-ജി സേവനങ്ങൾ ലഭ്യമാക്കുമെന്ന് ടെലികോം അധികൃതർ. ചിപ്പ് ക്ഷാമമില്ലെങ്കിൽ സെപ്റ്റംബറോടെ എല്ലാ സേവനദാതാക്കളും ശരാശരി 1,60,000 ടവർ ഇതിനായി സജ്ജമാക്കും. ആദ്യഘട്ടത്തിൽ 5-ജി സേവനം ആരംഭിച്ച നഗരങ്ങളിൽ ഇതിനുള്ള നടപടികൾ അധികൃതർ തുടങ്ങിയിട്ടുണ്ട്.

ഡിസംബറോടെ 5-ജിയുടെ വ്യാപനവേഗം കൂട്ടുമെന്ന് കേന്ദ്ര ടെലികോം മന്ത്രാലയം അറിയിച്ചു. നിലവിൽ ആഴ്ചയിൽ 2500 ടവർ മാത്രമാണ് സ്ഥാപിക്കുന്നത്. എന്നാൽ, ഡിസംബർമുതൽ ആഴ്ചതോറും 8000 ടവറും ജനുവരിയോടെ 10,000 ടവറും സ്ഥാപിക്കും. എല്ലാ ആഴ്ചയും 10,000 ടവർ സ്ഥാപിക്കണമെന്ന് വകുപ്പുമന്ത്രി അശ്വിനി വൈഷ്ണവ് കമ്പനികളോട്‌ നിർഷകർഷിച്ചിരുന്നു. ഇതിനുപിന്നാലെയാണ് കമ്പനികൾ നിലപാട് വ്യക്തമാക്കിയത്.രാജ്യത്തെ 160-ലധികം ഫോൺ മോഡലുകൾ 5-ജിയിൽ പ്രവർത്തനക്ഷമമാക്കിയിട്ടുണ്ട്. ഇന്ത്യയിൽ പത്തുലക്ഷത്തിലധികം 5-ജി ഉപയോക്താക്കളുണ്ടെന്നാണ് ഔദ്യോഗിക കണക്ക്.