ശബരിമലയിൽ താൽക്കാലിക സെക്യൂരിറ്റി ഗാർഡുമാരെ നിയമിക്കുന്നു; വിമുക്തഭടന്മാർക്ക് അപേക്ഷിക്കാം

തിരുവനന്തപുരം : കൊല്ലവർഷം 1201-ലെ (2025-26) മണ്ഡല-മകരവിളക്ക് മഹോത്സവത്തോട് അനുബന്ധിച്ച് ശബരിമല, പമ്പ, നിലയ്ക്കൽ ക്ഷേത്രങ്ങളിൽ താൽക്കാലിക സെക്യൂരിറ്റി ഗാർഡുമാരെ നിയമിക്കുന്നു. ദിവസവേതന അടിസ്ഥാനത്തിലായിരിക്കും നിയമനം. വിമുക്തഭടന്മാർക്കും സംസ്ഥാന പോലീസ്, എക്സൈസ്, ഫയർഫോഴ്സ്, ഫോറസ്റ്റ് തുടങ്ങിയ സേനാവിഭാഗങ്ങളിൽ നിന്ന് വിരമിച്ചവർക്കും അപേക്ഷിക്കാം.

യോഗ്യതാ മാനദണ്ഡങ്ങൾ

പ്രവർത്തിപരിചയം: അപേക്ഷകർക്ക് മേൽപ്പറഞ്ഞ സേനകളിൽ കുറഞ്ഞത് അഞ്ച് വർഷത്തെ പ്രവൃത്തിപരിചയം ഉണ്ടായിരിക്കണം.

പ്രായപരിധി: 2026 ജനുവരി 30-ന് 65 വയസ്സ് കവിയാൻ പാടില്ല.

മറ്റ് നിബന്ധനകൾ: മികച്ച ശാരീരികക്ഷമതയുള്ള ഹിന്ദു വിഭാഗത്തിൽപ്പെട്ട പുരുഷന്മാരായിരിക്കണം അപേക്ഷകർ.

വേതനം: തിരഞ്ഞെടുക്കപ്പെടുന്നവർക്ക് പ്രതിദിനം 900 രൂപ വേതനം ലഭിക്കും. താമസവും ഭക്ഷണവും തിരുവിതാംകൂർ ദേവസ്വം ബോർഡ് സൗജന്യമായി നൽകും.

അപേക്ഷ സമർപ്പിക്കേണ്ട രീതി

അപേക്ഷാഫോറവും മറ്റ് രേഖകളും www.travancoredevaswomboard.org എന്ന വെബ്സൈറ്റിൽ ലഭ്യമാണ്. പൂരിപ്പിച്ച അപേക്ഷകൾ ചീഫ് വിജിലൻസ് ആൻഡ് സെക്യൂരിറ്റി ഓഫീസർ, തിരുവിതാംകൂർ ദേവസ്വം ബോർഡ്, നന്ദൻകോട്, കവടിയാർ പി.ഒ., തിരുവനന്തപുരം എന്ന വിലാസത്തിൽ നേരിട്ടോ അല്ലെങ്കിൽ sptdbvig@gmail.com എന്ന ഇമെയിൽ വഴിയോ അയക്കാവുന്നതാണ്. ഓൺലൈനായി അപേക്ഷിക്കുന്നവർ പ്രത്യേകം അപേക്ഷ അയക്കേണ്ടതില്ല.

അപേക്ഷ സ്വീകരിക്കുന്ന അവസാന തീയതി 2025 സെപ്റ്റംബർ 30 ആണ്. കൂടുതൽ വിവരങ്ങൾക്കായി 09605513983, 09497964855 എന്നീ നമ്പറുകളിൽ ഓഫീസ് സമയങ്ങളിൽ ബന്ധപ്പെടാവുന്നതാണ്.