സ്ത്രീകൾ ഡാർക്ക് ചോക്ലേറ്റ് കൂടുതൽ കഴിച്ചാൽ ലഭിക്കുന്ന ഗുണങ്ങൾ ഇങ്ങനെ; ഇതൊന്നു പരീക്ഷിച്ചു നോക്കൂ

ആന്റിഓക്സിഡന്റുകൾ ധാരാളമായി അടങ്ങിയിട്ടുള്ള ഒന്നാണ് ചോക്ലേറ്റുകൾ. എല്ലാവർക്കുമിഷ്ടമുള്ളതിനാൽ തന്നെ ഇവ കഴിക്കാത്തവർ വിരളമാണ്. ചോക്ലേറ്റിലെ പ്രധാന ചേരുവയായ കൊക്കോയിൽ ധാരാളം ഫോളിക്ക് ‌അടങ്ങിയിട്ടുണ്ട്. ഇത് ആരോഗ്യത്തിന് ഏറെ നല്ലതാണ്. രക്തസമ്മർദ്ദം നിയന്ത്രിക്കാനും ഡാർക്ക് ചോക്ലേറ്റ് സഹായിക്കും. ഇപ്പോഴിതാ സ്ത്രീകൾ ചോക്ലേറ്റ് കൂടുതൽ കഴിച്ചാൽ സംഭവിക്കുന്ന ചിലകാര്യങ്ങളെ കുറിച്ചാണ് താഴെ പറയുന്നത്.

ഗർഭധാരണ സമയത്ത് ഡാർക്ക് ചോക്ലേറ്റ് കഴിക്കുന്നത് ഗർഭസ്ഥശിശുവിന്റെ സംരക്ഷണത്തിനും വളർച്ചയ്ക്കും പ്രയോജനം ചെയ്യും എന്നാണ് വിദഗ്ദ്ധർ പറയുന്നത്. ഗ​ർഭധാരണ സാധ്യത കൂട്ടാൻ ഏറ്റവും നല്ലതാണ് ഡാർക്ക് ചോക്ലേറ്റെന്നും പറയുന്നുണ്ട്. എന്നുകരുതി ചോക്ലേറ്റ് അമിതമായി കഴിക്കാനുംപാടില്ല. അമിതമായാൽ അമൃതും വിഷം എന്നാണല്ലോ.

ഡാർക്ക് ചോക്ലേറ്റിൽ ധാരാളം ആർഗിൻ നൈട്രിക് ഓക്സൈഡ് അടങ്ങിയിട്ടുണ്ട്. നൈട്രിക് ഓക്സൈഡ് രക്തയോട്ടം വർധിപ്പിക്കാൻ ഏറെ നല്ലതാണ്. ​ഇരുമ്പ്, കാത്സ്യം, സിങ്ക്, മാംഗനീസ്, പൊട്ടാസ്യം എന്നിവ ഡാർക്ക് ചോക്ലേറ്റിൽ ധാരാളം അടങ്ങിയിട്ടുണ്ട്. ഹോർമോൺ ബാലൻസ് നിലനിർത്താനും ബീജത്തിന്റെ എണ്ണം നിലനിർത്താനും ഡാർക്ക് ചോക്ലേറ്റ് മുന്നിലാണെന്നും റിപ്പോർട്ടിൽ വ്യക്തമാകുന്നു.