വിദേശബന്ധം വർദ്ധിപ്പിക്കുന്നതിനും പ്രവാസി ബന്ധം ഊട്ടിയുറപ്പിക്കുന്നതിനും വിദേശകാര്യ മന്ത്രി നടത്തുന്ന പരിശ്രമങ്ങൾ പ്രശംസനീയം; എസ് .ജയ്ശങ്കറിന് പിറന്നാളാശംസകളുമായി പ്രധാനമന്ത്രി നരേന്ദ്ര മോദി

ദില്ലി : കേന്ദ്ര വിദേശകാര്യമന്ത്രി എസ്. ജയ്ശങ്കറിന് പിറന്നാളാശംസകൾ നേർന്ന് പ്രധാനമന്ത്രി നരേന്ദ്ര മോദി. മന്ത്രിയുടെ 68-ാം ജന്മദിനത്തിൽ ട്വിറ്ററിലൂടെയാണ് മോദി ആശംസകൾ നേർന്നത് . ‘ഇന്ത്യയുടെ വിദേശബന്ധം വർദ്ധിപ്പിക്കുന്നതിനും പ്രവാസികളുമായുള്ള ബന്ധം ഊട്ടിയുറപ്പിക്കുന്നതിനുമായി അദ്ദേഹം നടത്തുന്ന പരിശ്രമങ്ങൾ പ്രശംസനീയമാണെന്നാണ് പ്രധാനമന്ത്രി നരേന്ദ്ര മോദി ട്വീറ്റ് ചെയ്തു. ദീർഘായുസ്സും ആരോഗ്യവും നൽകി ഈശ്വരൻ അനുഗ്രഹിക്കട്ടെ എന്നും അദ്ദേഹം ആശംസിച്ചു.

പ്രധാനമന്ത്രിയുടെ ആശംസകൾക്ക് ജയ്ശങ്കർ മറുപടി ട്വീറ്റ് ചെയ്തു . പ്രധാനമന്ത്രിയുടെ നേതൃത്വവും മാർഗനിർദേശവും രാജ്യത്തിന് വേണ്ടി പ്രവർത്തിക്കാനുള്ള നിരന്തര പ്രചോദനമാണ് നൽകുന്നതെന്നാണ് ജയ്ശങ്കർ കുറിച്ചത്.