രാജ്യത്തെ ആ​ദ്യ സ്റ്റീ​ല്‍ കൊ​ണ്ടു​ള്ള റോ​ഡ് ഗു​ജ​റാ​ത്തി​ലെ സൂ​റ​ത്തി​ല്‍

രാജ്യത്തെ ആ​ദ്യ സ്റ്റീ​ൽ കൊ​ണ്ടു​ള്ള റോ​ഡ് ഗു​ജ​റാ​ത്തി​ലെ സൂ​റ​ത്തി​ൽ യാ​ഥാ​ർ​ഥ്യ​മാ​യി. ഹസീറ വ്യവസായ മേഖലയിലാണ് റോഡ് നിര്‍മിച്ചിരിക്കുന്നത്. സ്റ്റീല്‍ ആന്‍റ് പോളിസി കമ്മീഷന്‍, നീതി ആയോഗ് എന്നിവയുടെ സഹായത്തോടെയായിരുന്നു നിര്‍മാണം. മാത്രമല്ല വി​വി​ധ പ്ലാ​ന്‍റുക​ളി​ലെ ഉപയോഗശൂന്യമായ സ്റ്റീ​ല്‍ ഉ​പ​യോ​ഗി​ച്ചാ​ണ് പ​രീ​ക്ഷ​ണാ​ടി​സ്ഥാ​ന​ത്തി​ല്‍ റോ​ഡ് നി​ര്‍​മി​ച്ച​ത്.

പരീക്ഷണാടിസ്ഥാനത്തില്‍ നിര്‍മിച്ചത് ഒരു കിലോമീറ്റര്‍ നീളത്തിലുള്ള ആറു വരി പാതയാണ്. ശാ​സ്ത്ര-​സാ​​ങ്കേ​തി​ക ഗ​വേ​ഷ​ണ കൗ​ൺ​സി​ലും (സി.​എ​സ്.​ഐ.​ആ​ർ), കേ​ന്ദ്ര റോ​ഡ് ഗ​വേ​ഷ​ണ ഇ​ൻ​സ്റ്റി​റ്റ്യൂ​ട്ടുമാണ് സി.​ആ​ര്‍.​ആ​ര്‍.​ഐ) നിര്‍മാണത്തിന് നേതൃത്വം നല്‍കിയത്.

പ്ര​തി​വ​ർ​ഷം 19 ദ​ശ​ല​ക്ഷം ട​ൺ സ്റ്റീല്‍ രാ​ജ്യ​ത്തെ ഉ​രു​ക്കു​നി​ർ​മാ​ണ​ശാ​ല​ക​ളി​ൽ ബാ​ക്കിയാ​കു​ന്നു​ണ്ട്.
ഇങ്ങനെ പാഴാക്കപ്പെടുന്ന വിഭവം ഉപയോഗ യോഗ്യമാക്കുന്നതിനൊപ്പം ഈടുനില്‍ക്കുന്ന റോഡുകള്‍ നിര്‍മിക്കുക എന്നതാണ് ലക്ഷ്യം. അതിനാൽ ഒ​രു കി​ലോ​മീ​റ്റ​ര്‍ നീ​ള​ത്തി​ലു​ള്ള ഈ റോ​ഡ് പൂ​ര്‍​ണ​മാ​യും സം​സ്ക​രി​ച്ച ഉ​രു​ക്കു​കൊ​ണ്ടാ​ണ് നി​ര്‍​മി​ച്ചി​രി​ക്കു​ന്ന​ത്.

അതിനാൽ തന്നെ മ​ഴ​ക്കാ​ല​ത്ത് റോഡ് തകരുമെന്ന പേടി വേണ്ടെന്ന് സി.എസ്.ഐ.ആര്‍ അവകാശപ്പെടുന്നു. നേരത്തെ ഹസിറ തുറമുഖത്തെ ഈ റോഡ് ടണ്‍ കണക്കിന് ഭാരം കയറ്റി ട്രക്കുകള്‍ ഓടുന്നതുകൊണ്ട് മോശം അവസ്ഥയിലായിരുന്നു. എന്നാൽ ഇതേ റോഡിലൂടെ ഇപ്പോൾ ആയിരക്കണക്കിന് ട്രക്കുകള്‍ സഞ്ചരിക്കുന്നുണ്ടെന്നും റോഡിന് ഒരു കേടുപാടുമില്ലെന്നും സിആര്‍ആര്‍ഐ ശാസ്ത്രജ്ഞന്‍ സതീഷ് പാണ്ഡെ പറഞ്ഞു.