Categories: Kerala

മൂർഖനെ പിടികൂടി; വനംവകുപ്പ് കുടുങ്ങി; കാവിലെ മൂർഖൻ ഇനി കാവിനു സ്വന്തം

മലപ്പുറം: ചാലിയാറിലെ മൊടവണ്ണ കുട്ടിച്ചാത്തന്‍ കാവിന്‌ സമീപത്തെ വീടിന് അടുത്ത് നിന്നും പിടികൂടിയ മൂര്‍ഖന്‍ പാമ്പിനെ വനത്തിലേക്ക് വിടാനുള്ള ശ്രമം അമ്പലക്കമ്മിറ്റി ഭാരവാഹികള്‍ ചേര്‍ന്ന് തടഞ്ഞു. കാട്ടില്‍വിടരുതെന്നും മൂർഖൻ സര്‍പ്പകാവിലേതാണെന്നും ക്ഷേത്രക്കമ്മിറ്റിക്കാര്‍ ആവശ്യവുമായി വന്നതോടെ വനംവകുപ്പും കുടുങ്ങി. അവസാനം ക്ഷേത്രക്കമ്മിറ്റിക്കാരുടെ അഭിപ്രയത്തിന് വഴങ്ങി മൂര്‍ഖനെ സര്‍പ്പക്കാവില്‍തന്നെ വിട്ടയച്ചു.

തിങ്കളാഴ്ച്ച രാത്രിയാണ് ചാലിയാര്‍ പഞ്ചായത്തിലെ മൊടവണ്ണ കുട്ടിച്ചാത്തന്‍ കാവിന്‌ സമീപമുള്ള കൂരിക്കാടന്‍ രാജേന്ദ്രന്റെ വീടിന് പുറത്തു നിന്ന് ആറര അടി നീളവും 3.4 കിലോഗ്രാം തൂക്കമുള്ള വലിയ പുല്ലാനി മൂര്‍ഖനെ പിടികൂടിയത്. പാമ്പിനെ കണ്ട വീട്ടുകാര്‍ നിലമ്പൂര്‍ മേഖലയിലെ പാമ്പുപിടുത്തക്കാരനും നിലമ്പൂര്‍ ആര്‍ആര്‍ടിയിലെ വാച്ചറുമായ അബ്ദുള്‍ അസീസിനെ വിവരം അറിയിച്ചു. സെക്ഷന്‍ ഫോറസ്റ്റ് ഓഫീസര്‍ രമേശനൊപ്പം സ്ഥലത്ത് എത്തിയ അസീസ് പാമ്പിനെ പിടികൂടി. ശേഷം വനംവകുപ്പിന്റെ നിലമ്പൂര്‍ അരുവാക്കോട്ടെ ആര്‍ആര്‍ടി.ഓഫീസില്‍ എത്തിച്ചു.

പാമ്പിനെ ചൊവ്വാഴ്ച്ച ഉള്‍വനത്തിലേക്ക് വിടാനിരിക്കെയാണ് മൊടവണ്ണ കുട്ടിച്ചാത്തന്‍കാവിലെ സര്‍പ്പ കാവിലുള്ള പുല്ലാനി മുര്‍ഖനെയാണ് പിടികൂടിയതെന്ന് പറഞ്ഞ് അമ്പല കമ്മറ്റി ഭാരവാഹികള്‍ ആര്‍ആര്‍ടി.ഓഫീസിലെത്തിയത്. ഈ പാമ്പിന് പാലും മുട്ടയും ദിവസവും നല്‍കാറുണ്ടെന്നും കമ്മറ്റിക്കാര്‍ അറിയിച്ചു. അബ്ദുള്‍ അസീസിനോട് പാമ്പിനെ സര്‍പ്പക്കാവില്‍തന്നെ വിടണമെന്നും അമ്പലക്കമ്മിറ്റി ഭാരവാഹികള്‍ ആവശ്യപ്പെട്ടു. എന്നാല്‍ വിഷയം ഡിഎഫ്ഒയുമായി സംസാരിക്കാന്‍ അസീസ് നിർദ്ദേശിച്ചതിനെ തുടർന്ന് കമ്മിറ്റിക്കാര്‍ നിലമ്പൂര്‍ നോര്‍ത്ത് ഡിവിഷന്‍ ഡിഎഫ്ഒ മാര്‍ട്ടിന്‍ ലോയലുമായി സംസാരിച്ച് രേഖാമൂലം ഒപ്പിട്ട് നല്‍കി. അതോടെ പുല്ലാനി മൂര്‍ഖനെ അസീസിന്റെ നേതൃത്വത്തില്‍ തന്നെ വനപാലകര്‍ മൊടവണ്ണ കുട്ടിച്ചാത്തന്‍കാവില്‍ വിട്ടയച്ചു.

B4 Admin

Recent Posts

വൈറൽ സല്യൂട്ടിലൂടെ തരംഗമായി അയിഷ ഫാത്തിമ: വീണ്ടും കണ്ടുമുട്ടി മുഖ്യമന്ത്രി!

സോഷ്യൽ മീഡിയയിൽ വലിയ തരംഗമായി മാറിയ പെൺകുട്ടിയുടെ സല്യൂട്ടും മുഖ്യമന്ത്രി വി.ഡി. സതീശന്റെ മറുപടി സല്യൂട്ടും വീണ്ടും ചർച്ചയാകുന്നു. എസ്.പി.സി.…

1 hour ago

വിദ്യാർത്ഥിനികളെ അനധികൃത യാത്രയ്ക്ക് കൊണ്ടുപോയ സംഭവം: ബീഹാറിൽ അധ്യാപകനും പ്രഥമാധ്യാപകനും സസ്പെൻഷൻ!

ബീഹാറിലെ ഗോപാൽഗഞ്ച് ജില്ലയിലെ വൃന്ദാവൻ പഞ്ചായത്തിലുള്ള സർക്കാർ ഹയർ സെക്കൻഡറി സ്കൂളിലെ ആറ് പ്ലസ് വൺ വിദ്യാർത്ഥിനികളെ അനുമതിയില്ലാതെ രാജ്ഗിറിലേക്ക്…

2 hours ago

നിർമ്മിതബുദ്ധി ചിപ്പുകൾ ചൈനയിലേക്ക് കടത്താൻ വൻ ഗൂഢാലോചന: ആലീസ് ഹുവാങ്ങിന്റെ കൂട്ടാളി ലീ മിങ്ങിനെതിരെ അന്താരാഷ്ട്ര അന്വേഷണം!

അമേരിക്കൻ സാങ്കേതിക ഭീമനായ എൻവിഡിയയുടെ കയറ്റുമതി നിയന്ത്രണമുള്ള അത്യാധുനിക നിർമ്മിതബുദ്ധി (എ.ഐ) ചിപ്പുകൾ തെക്കുകിഴക്കൻ ഏഷ്യൻ ഇടനിലക്കാർ വഴി ചൈനയിലേക്ക്…

2 hours ago

160 കോടിയുടെ സ്വർണ്ണക്കാഴ്ച! തിരുമലയിൽ ചരിത്രം കുറിക്കാൻ 121 കിലോ സ്വർണ്ണാഭരണങ്ങൾ: ഭക്തൻ ആരാണ്?

ലോകത്തിലെ ഏറ്റവും സമ്പന്നമായ ക്ഷേത്രങ്ങളിലൊന്നായ തിരുമല തിരുപ്പതി ശ്രീവെങ്കിടേശ്വര സ്വാമി ക്ഷേത്രത്തിൽ അപൂർവമായൊരു സ്വർണ്ണ സമർപ്പണത്തിന് ഒരുങ്ങുന്നു. ഏകദേശം 150…

5 hours ago

ചക്കുളത്തുകാവ് കാർത്തിക പൊങ്കാല മഹോത്സവം: ഭക്തജനങ്ങളുടെ സുരക്ഷയ്ക്കായി വിപുലമായ ഗതാഗത നിയന്ത്രണങ്ങൾ പ്രഖ്യാപിച്ചു!

ഭാരതത്തിന്റെ സനാതന സാംസ്കാരിക പൈതൃകത്തിന്റെയും അചഞ്ചലമായ ദേവീഭക്തിയുടെയും മഹത്തായ സംഗമവേദിയായ ചക്കുളത്തുകാവ് ശ്രീഭഗവതി ക്ഷേത്രത്തിലെ വിശ്വപ്രസിദ്ധമായ കാർത്തിക പൊങ്കാലയോടനുബന്ധിച്ച് മേഖലയിൽ…

5 hours ago

ഖാർഗെയ്ക്ക് മുന്നിൽ എ ഗ്രൂപ്പിന്റെ പരാതിപ്പെരുമഴ! വി.ഡിക്കെതിരെ പടയൊരുക്കം

കേരളത്തിലെ കോൺഗ്രസിൽ വീണ്ടും ഗ്രൂപ്പ് സമവാക്യങ്ങൾ സജീവമാകുന്നു. പാർട്ടിയിലും ഭരണത്തിലും തങ്ങൾ അവഗണിക്കപ്പെടുന്നുവെന്ന കടുത്ത അതൃപ്തിയുമായി എ ഗ്രൂപ്പ് നേതാക്കൾ…

5 hours ago