ചൊവ്വയുടെ കാവൽക്കാരൻ നിശബ്ദനായി !!! ഞെട്ടിത്തരിച്ച് നാസ

ചൊവ്വയുടെ അന്തരീക്ഷത്തെക്കുറിച്ചും അവിടെയുണ്ടായിരുന്ന ജലാംശം എങ്ങനെ നഷ്ടപ്പെട്ടു എന്നതിനെക്കുറിച്ചും പഠിക്കാൻ നിയോഗിക്കപ്പെട്ട നാസയുടെ ‘മേവൻ’ (Mars Atmosphere and Volatile Evolution – MAVEN) പേടകം വലിയൊരു സാങ്കേതിക പ്രതിസന്ധി നേരിടുകയാണ്. ഡിസംബർ നാലാം തീയതി മുതൽ പേടകവുമായുള്ള ആശയവിനിമയം പൂർണ്ണമായും നിലച്ചിരിക്കുകയാണെന്ന വിവരം ഡിസംബർ 15-ന് പുറത്തുവിട്ട വാർത്താക്കുറിപ്പിൽ നാസ സ്ഥിരീകരിച്ചു. പേടകത്തെ തിരികെ ബന്ധപ്പെടാൻ നിരവധി ശ്രമങ്ങൾ നടത്തിയെങ്കിലും ഇതുവരെ ഫലമുണ്ടായിട്ടില്ല. ഡിസംബർ ആറിന് പേടകത്തിൽ നിന്നും ലഭിച്ച ചെറിയൊരു സിഗ്നൽ പരിശോധിച്ചപ്പോൾ സാഹചര്യം കൂടുതൽ സങ്കീർണ്ണമാണെന്നാണ് ശാസ്ത്രജ്ഞർ വിലയിരുത്തുന്നത്. ചൊവ്വയുടെ മറുവശത്തുനിന്നും പേടകം പുറത്തുവന്നപ്പോൾ അത് അപ്രതീക്ഷിതമായ രീതിയിൽ കറങ്ങിക്കൊണ്ടിരിക്കുകയായിരുന്നു എന്നാണ് ലഭ്യമായ ഡാറ്റ സൂചിപ്പിക്കുന്നത്. കൂടാതെ, പേടകത്തിന്റെ ഭ്രമണപഥത്തിൽ മാറ്റം സംഭവിച്ചിരിക്കാനുള്ള സാധ്യതയും ശാസ്ത്രജ്ഞർ തള്ളിക്കളയുന്നില്ല. #nasa #maven #mars #space #science #astronomy #redplanet #marsatmosphere #spaceexploration #breakingnews #technology #missionupdate #goddard #spacecraft #cosmic #scientificdiscovery #solarsystem #engineering #exploration #marsmission #tatwamayinews