നവരസം കോപ്പിയടിച്ചിട്ടില്ലെന്ന് ഈ ഘട്ടത്തിൽ അംഗീകരിക്കാനാകില്ല ; വരാഹരൂപം ഗാനത്തിന് വീണ്ടും വിലക്കേർപ്പെടുത്തി ഹൈക്കോടതി

എറണാകുളം: കാന്താരയിലെ വരാഹരൂപം ഗാനത്തിന് വീണ്ടും വിലക്കേർപ്പെടുത്തി ഹൈക്കോടതി.ഇടക്കാല ഉത്തരവോ അന്തിമ ഉത്തരവോ ഉണ്ടാകുന്നതുവരെ വരാഹ രൂപം കാന്താരയിൽ ഉൾപ്പെടുത്തരുതെന്നും ഹൈക്കോടതി നിർദ്ദേശിച്ചു. തൈക്കുടം ബ്രിഡ്ജിന്റെ നവരസം കോപ്പിയടിച്ചിട്ടില്ലെന്ന ഹർജിക്കാരുടെ വാദം ഈ ഘട്ടത്തിൽ അംഗീകരിക്കാനാകില്ലെന്ന് കോടതി പറഞ്ഞു.

ഗാനം തങ്ങളുടേതാണെന്നും കാന്താര സിനിമയിലെ ഗാനത്തിൽ അത് പകർത്തിയതാണെന്നും ചൂണ്ടിക്കാട്ടി തൈക്കുടം ബ്രിഡ്ജ് നർകിയ ഹർജി കോഴിക്കോട് ജില്ലാ കോടതി തള്ളിയിരുന്നു. വിധിക്കെതിരെ ഹൈക്കോടതിയിൽ നിന്നും തൈക്കുടം ബ്രിഡ്ജ് സ്‌റ്റേ വാങ്ങിയിരുന്നു.സെപ്റ്റംബർ 30നാണ് കാന്തര സിനിമ പുറത്തിറങ്ങിയത്. പിന്നാലെ അജനീഷ് ലോക്‌നാഥ് ചിത്രത്തിനായി തയ്യാറാക്കിയ വരാഹരൂപം എന്ന ഗാനത്തിനെതിരെ കേസുമായി തൈക്കുടം ബ്രിഡ്ജ് ബാൻഡ് രംഗത്തുവരുകയായിരുന്നു.