ഇസ്ലാമിസ്റ്റുകളുടെ ന്യുനപക്ഷ വേട്ട അവസാനിപ്പിക്കണം. സംരക്ഷണമൊരുക്കണം’ ബംഗ്ലാദേശ് തലസ്ഥാനത്ത് പടുകൂറ്റൻ ഹൈന്ദവ പ്രതിഷേധറാലി

മുസ്‌ലിം ഭൂരിപക്ഷമുള്ള ബംഗ്ലാദേശിൽ ന്യൂനപക്ഷ വിഭാഗങ്ങൾക്ക് നീതി ലഭിക്കണമെന്നാവശ്യപ്പെട്ട് ഹിന്ദുക്കൾ റാലി നടത്തി.പതിനായിരക്കണക്കിന് ന്യൂനപക്ഷ ഹിന്ദുക്കളാണ് റാലിയിൽ പങ്കെടുത്തത് .ബംഗ്ലാദേശിലെ ഇടക്കാല സർക്കാർ ഹിന്ദു സമുദായ നേതാക്കൾക്കെതിരെയുള്ള ആക്രമണങ്ങളും പീഡനങ്ങളും നിർത്തലാക്കണമെന്നും അവർക്കെതിരെ ചുമത്തിയ രാജ്യദ്രോഹ കേസുകളിൽ നിന്നും ഒഴിവാക്കണമെന്നും ആവശ്യപ്പെട്ടായിരുന്നു റാലി.ഹിന്ദു സമുദായ നേതാക്കൾക്കെതിരായ രാജ്യദ്രോഹ കേസുകൾ ഒഴിവാക്കണമെന്നും അവർ ആവശ്യപ്പെട്ടു .തങ്ങളുടെ അവകാശങ്ങൾ ആവശ്യപ്പെട്ട് മുദ്രാവാക്യം മുഴക്കികൊണ്ടാണ് റാലി നടത്തിയത്.തെക്കുകിഴക്കൻ നഗരമായ ചാട്ടോഗ്രാമിൽ ഏകദേശം 30,000 ഹിന്ദുക്കളാണ് പ്രകടനം നടത്തിയത്

അതേസമയം ഓഗസ്റ്റ് ആദ്യം മുതൽ ഹിന്ദുക്കൾക്കെതിരെ ആയിരക്കണക്കിന് ആക്രമണങ്ങൾ നടന്നിട്ടുണ്ടെന്നാണ് ഹിന്ദു സംഘടനകൾ പറയുന്നത്.ഇടക്കാല സർക്കാർ തങ്ങളെ വേണ്ടത്ര സംരക്ഷിച്ചിട്ടില്ലെന്നും പ്രധാനമന്ത്രി ഷെയ്ഖ് ഹസീനയെ പുറത്താക്കിയതിന് ശേഷം ഇസ്ലാമിസ്റ്റുകൾ കൂടുതൽ സ്വാധീനം ചെലുത്തുന്നുണ്ടെന്നും ഹിന്ദുക്കളും മറ്റ് ന്യൂനപക്ഷ സമുദായങ്ങളും പറയുന്നു.രാജ്യത്തെ ഏകദേശം 170 ദശലക്ഷം ജനങ്ങളിൽ 8 ശതമാനം ഹിന്ദുക്കളും, 91 ശതമാനം മുസ്‌ലിങ്ങളുമാണ്. രാജ്യത്തെ സ്വാധീനമുള്ള ന്യൂനപക്ഷ ഗ്രൂപ്പാണ് ബംഗ്ലാദേശ് ഹിന്ദു ബുദ്ധിസ്‌റ്റ് ക്രിസ്ത്യൻ യൂണിറ്റി കൗൺസിൽ. ബംഗ്ലാദേശില്‍ നിലവിലുള്ള ഇടക്കാല സർക്കാർ ക്രമസമാധാനം പുനഃസ്ഥാപിക്കാൻ പാടുപെടുന്നതിനാൽ, ആഗസ്‌റ്റ് 4 മുതൽ ഹിന്ദുക്കൾക്കെതിരെ 2,000ത്തിലധികം ആക്രമണങ്ങൾ നടന്നതായി ഹിന്ദു സംഘടനകള്‍ വ്യക്തമാക്കി.ന്യൂനപക്ഷങ്ങളെ സംരക്ഷിക്കാനുള്ള നിയമം, ന്യൂനപക്ഷ മന്ത്രാലയം, ന്യൂനപക്ഷങ്ങൾക്കെതിരായ അടിച്ചമർത്തൽ നടപടികൾ വിചാരണ ചെയ്യാനുള്ള ട്രൈബ്യൂണൽ തുടങ്ങി എട്ട് ആവശ്യങ്ങളുമായി ഹിന്ദു പ്രവർത്തകർ ആഗസ്‌റ്റ് മുതൽ തലസ്ഥാനമായ ധാക്കയിലും മറ്റിടങ്ങളിലും പ്രതിഷേധ റാലികൾ നടത്തിവരികയാണ്.