ഷൊർ‌ണൂരിൽ ട്രെയിൻ തട്ടി മരിച്ച മൂന്ന് പേരുടെ പോസ്റ്റ്‌മോർട്ടം ഇന്ന്.ലക്ഷ്മണനായുള്ള തിരച്ചിൽ തുടരും

പാലക്കാട്: ഷൊർ‌ണൂരിൽ ട്രെയിൻ തട്ടി മരിച്ച മൂന്ന് പേരുടെ പോസ്റ്റ്‌മോർട്ടം ഇന്ന് നടത്തും. പാലത്തിൽ കരാർ തൊഴിലാളികളായ മൂന്നുപേർ ട്രെയിനിടിച്ചു മരിച്ചത് ഇന്നലെ വൈകീട്ട് മൂന്ന് മണിയോടെയാണ്. ഒരാൾ ഭാരതപ്പുഴയിലേക്ക് വീഴുകയും ചെയ്തു.അപകടത്തിൽ ലക്ഷ്മണൻ എന്ന തൊഴിലാളിയെ കാണാതായിരുന്നു. ഇയാൾക്കായുള്ള തിരച്ചിൽ ഇന്നും തുടരും.

അതേസമയം സംഭവത്തിൽ അസ്വാഭാവിക മരണത്തിന് കേസെടുത്ത് ഷൊർണൂർ പൊലീസ് അന്വേഷണം തുടരുകയാണ്.തങ്ങളുടെ അനുമതിയില്ലാതെ ഇവർ ട്രാക്കിലൂടെ നടക്കുകയായിരുന്നു എന്നാണ് റെയിൽവേയുടെ വിശദീകരണം. എന്നാൽ, സംഭവത്തിൽ റെയിൽവേ വിഭാഗത്തിനെതിരെ രൂക്ഷമായ വിമർശനങ്ങൾ ഉയരുകയാണ്.ഇന്നലെ വൈകുന്നരേം മൂന്ന് മണിക്ക് ശേഷമായിരുന്നു ദാരുണസംഭവം. പുഴയുടെ മറുകരയിൽ വള്ളത്തോൾ ന​ഗർ റെയിൽവേ സ്റ്റേഷൻ ഭാ​ഗത്ത് നിന്ന് മാലിന്യം എടുത്ത് നടന്നുവരികയായിരുന്ന 10 തൊഴിലാളികളിൽ നാല് പേരാണ് അപകടത്തിൽപ്പെട്ടത്. ഷൊർണൂർ റെയിൽവേ പാലത്തിൽവെച്ച് തിരുവനന്തപുരം ഭാഗത്തേക്ക് പോവുകയായിരുന്ന കേരള എക്സ്പ്രസ് ഇടിച്ചായിരുന്നു അപകടം.