ദില്ലിയിൽ കുഴൽകിണറിൽ അകപ്പെട്ടയാളെ രക്ഷപ്പെടുത്താനുള്ള ദൗത്യം പതിനാലാം മണിക്കൂറിലേക്ക് ; കുഴിയെടുക്കാൻ ശേഷിയുള്ള പൊക്ലയിൻ യന്ത്രങ്ങൾ സ്ഥലത്തെത്തിച്ചു

ദില്ലിയിൽ കുഴൽകിണറിൽ അകപ്പെട്ടയാളെ രക്ഷപ്പെടുത്താനുള്ള ദൗത്യം പുരോഗമിക്കുന്നു. കേശോപുർ മാണ്ഡി ഏരിയയിൽ ദില്ലി ജൽ ബോർഡ് ട്രീറ്റ്‌മെൻ്റ് പ്ലാൻ്റിലെ 40 അടി താഴ്ചയുള്ള കുഴൽക്കിണറിൽ
പുലർച്ചെ ഒരു മണിയോടെ ഒരു കുട്ടി വീണതായാണ് അധികൃതർക്ക് വിവരം ലഭിച്ചത്. തൊട്ടു പിന്നാലെ കുട്ടിയല്ല പതിനെട്ടു വയസ് കഴിഞ്ഞ ആളാണ് വീണതെന്ന് വ്യക്തമായി. ഇയാളെ കുറിച്ചുള്ള കൂടുതൽ വിവരങ്ങൾ പുറത്തു വിട്ടിട്ടില്ല.

ദേശീയ ദുരന്ത നിവാരണ സേനയുടെ നേതൃത്വത്തിലാണ് രക്ഷാപ്രവർത്തനം പുരോഗമിക്കുന്നത്. ദില്ലി ഫയർ സർവീസസിൻ്റെ നാല് വാഹനങ്ങൾ സ്ഥലത്തെത്തിച്ചട്ടുണ്ട്. കുഴൽകിണറിന് സമാന്തരമായി മറ്റൊരു കുഴിയെടുത്ത് അകപ്പെട്ടയാളെ രക്ഷപ്പെടുത്താനുള്ള ശ്രമങ്ങളാണ് ഇപ്പോൾ നടക്കുന്നത്. മണ്ണുമാന്തി യന്ത്രങ്ങൾക്ക് പുറമെ ആഴത്തിൽ കുഴിയെടുക്കാൻ ശേഷിയുള്ള പൊക്ലയിൻ യന്ത്രങ്ങളും സ്ഥലത്തെത്തിച്ചിട്ടുണ്ട്.