ദേശവിരുദ്ധത പഠിപ്പിക്കുന്നു: മദ്രസകൾ നിരോധിക്കണമെന്ന് കർണാടക മുഖ്യമന്ത്രിയോട് ആവശ്യപ്പെട്ട് എം എൽ എ

ദില്ലി: മദ്രസകൾ നിരോധിക്കണമെന്ന ആവശ്യവുമായി എം എൽ എ. കർണാടക മുഖ്യമന്ത്രിയോടാണ് ബിജെപി എം എൽ എ രേണുകാചാര്യ ഇക്കാര്യം ആവശ്യപ്പെട്ടത്. മദ്രസകളിൽ ദേശവിരുദ്ധത പഠിപ്പിക്കുന്നുവെന്നാണ് അദ്ദേഹത്തിന്റെ ആരോപണം.

മാത്രമല്ല ഹിജാബ് വിഷയത്തിൽ കോൺഗ്രസ് വോട്ട് ബാങ്ക് രാഷ്ട്രീയം കളിക്കുകയാണെന്നും അദ്ദേഹം കുറ്റപ്പെടുത്തി. മദ്രസകൾക്ക് പ്രവർത്തനാനുമതി നൽകണമെങ്കിൽ മറ്റ് സ്കൂളുകളിൽ പിന്തുടരുന്ന പാഠ്യപദ്ധതി പിന്തുടരണമെന്നും രേണുകാചാര്യ ആവശ്യപ്പെട്ടു.

കുട്ടികളെ ‘ഭാരത് മാതാ കീ ജയ്‘ എന്ന മുദ്രാവാക്യം തെറ്റാണെന്ന് പഠിപ്പിക്കുന്നു. ഇതിലൂടെ മദ്രസകളിൽ നിഷ്കളങ്കരായ കുട്ടികളെ മസ്തിഷ്കപ്രക്ഷാളനം ചെയ്യുന്നു. ഇവയൊക്കെ ശ്രദ്ധാപൂർവ്വം കൈകാര്യം ചെയ്യേണ്ട വിഷയങ്ങളാണെന്നും അദ്ദേഹം പറഞ്ഞു.