അഞ്ച് വയസുകാരിയുടെ അരുംകൊല; പ്രതി അഫ്‌സാഖ് തന്നെ, സ്ഥിരീകരിച്ച് പോലീസ്, പ്രതിയെ തെളിവെടുപ്പിനെത്തിച്ചു,രോഷം അടക്കാനാവാതെ നാട്ടുകാർ

ആലുവ: അഞ്ച് വയസുകാരി ചാന്ദ്നിയുടെ മൃതദേഹം കണ്ടെത്തിയതിന് പിന്നാലെ കുട്ടിയെ കൊന്നത് അഫ്‌സാഖ് തന്നെയെന്ന് പോലീസ് സ്ഥിരീകരിച്ചു. പ്രതി അഫ്‌സാഖിനെ പോലീസ് തെളിവെടുപ്പിനെത്തിച്ചിരിക്കുകയാണ്. പ്രതിയെ പോലീസ് ജീപ്പിൽനിന്നും പുറത്ത് ഇറക്കാൻ ആവാതെ പോലീസ് പ്രയാസപ്പെടുകയാണ്. കുട്ടിയെ കാണാതായി 23 മണിക്കൂറുകൾക്ക് ശേഷമാണ് കുട്ടിയുടെ മൃതദേഹം ആലുവ മാർക്കറ്റിൽ നിന്നും കണ്ടെത്തുന്നത്.

ചാന്ദ്നി തന്നെയാണ് മരിച്ചതെന്ന് പോലീസ് സ്ഥിരീകരിച്ചിട്ടുണ്ട്.വിവരം അറിഞ്ഞ് ഫോറന്‍സിക് വിദഗ്ധരും ഉന്നത പൊലീസ് ഉദ്യോഗസ്ഥരും സ്ഥലത്തെത്തിപരിശോധന നടത്തുകയാണ്. പതിനൊന്നരയോടെയാണ് നാട്ടുകാര്‍ കുഞ്ഞിന്റെ മൃതദേഹം കണ്ടെത്തിയത്. കാലിക്കച്ചവടക്കാരാണ് കുട്ടിയുടെ മൃതദേഹം കണ്ടെത്തിയത്. ചാക്കില്‍ക്കെട്ടി ഉപേക്ഷിച്ച നിലയിലായിരുന്നു മൃതദേഹം.