കുതിരാനിലെ വിള്ളൽ;നിര്‍മാണത്തില്‍ അപാകതയുണ്ടെന്ന് പരിശോധന നടത്തിയ ദേശീയപാതപ്രോജക്ട് ഡയറക്ടര്‍, കൽക്കെട്ട് പൊളിച്ച് നീക്കും; സർവീസ് റോഡ് അടയ്ക്കും

തൃശൂര്‍ : കുതിരാന്‍ ദേശീയപാതയില്‍ വിള്ളല്‍ കണ്ടെത്തിയതിനെ തുടർന്ന് വിള്ളലുണ്ടായ റോഡിനോട് ചേര്‍ന്നുള്ള കല്‍ക്കെട്ട് പൊളിച്ചു നിര്‍മിക്കും. കല്‍‍ക്കെട്ട് നില്‍ക്കുന്ന ഭാഗത്തെ സര്‍വീസ് റോഡ് മണ്ണിട്ട് അടയ്ക്കും. നിര്‍മാണത്തില്‍ അപാകതയുണ്ടെന്ന് കുതിരാനില്‍ പരിശോധനയിൽ കണ്ടെത്തിയതായി ദേശീയപാത പ്രോജക്ട് ഡയറക്ടര്‍ പറഞ്ഞു.

കനത്ത മഴയില്‍ കല്‍ക്കെട്ട് ഭാഗികമായി തകർന്ന് ദേശീയപാത റോഡില്‍ വിള്ളൽ രൂപപ്പെടുകയായിരുന്നു . വിവരമറിഞ്ഞ് റവന്യു മന്ത്രി സ്ഥലത്തെത്തുകയും ദേശീയപാത ഉദ്യോഗസ്ഥരെ വിളിച്ചുവരുത്തി രൂക്ഷമായി വിമര്‍ശിക്കുകയും ചെയ്തു. കല്‍ക്കെട്ടിന്‍റെ പുനര്‍നിര്‍മാണം വിലയിരുത്താന്‍ ജില്ലാ കലക്ടര്‍ ഹരിത വി.കുമാറിനെ ചുമതലപ്പെടുത്തുകയും ചെയ്തു. നിലവില്‍ ദേശീയപാതയുടെ ഒരുഭാഗത്ത് ഗതാഗതം താല്‍ക്കാലികമായി നിയന്ത്രിച്ചിട്ടുണ്ട്. മഴ തുടര്‍ന്നാല്‍ കല്‍ക്കെട്ട് പൂര്‍ണമായും തകരും. ഈ സാഹചര്യത്തിലാണ് മന്ത്രിയുടെ ഇടപെടല്‍.