ആരേയും വെറുതേ വിടില്ല, നടന്നത് ഭീകരപ്രവർത്തനം, പോപ്പുലർ ഫ്രണ്ട് പ്രവർത്തകർ നടത്തിയ എല്ലാ കൊലപാതകങ്ങളും എൻ ഐ എ അന്വേഷിക്കും

ദില്ലി :നിരോധിത സംഘടനയായ പോപുലർ ഫ്രണ്ട് പ്രവർത്തകർ നടത്തിയ കൊലപാതകങ്ങൾ സംഘടനയുടെ ഉന്നത നേതാക്കളുടെ അറിവോടെ ആയിരുന്നുവെന്ന് എൻഐഎ. ഉന്നത നേതാക്കളുടെ നിർദ്ദേശ പ്രകാരമായിരുന്നു കൊലപാതകങ്ങളെന്ന് എൻഐഎ കോടതിയിൽ സമർപ്പിച്ച റിപ്പോർട്ടിൽ പറയുന്നു. ഇതര സമുദായങ്ങളിൽ ഭയം വിതക്കുകയായിരുന്നു നേതൃത്വത്തിന്റെ ലക്ഷ്യം

കൊലയാളികൾക്ക് പോപുലർ ഫ്രണ്ട് കേന്ദ്രങ്ങളിൽ പരിശീലനം നൽകിയിരുന്നു. കേരളത്തിന് പുറത്തും ഇവർ പരിശീലനം നേടി. കൊലപാതക ആസൂത്രണങ്ങളും കേരളത്തിന് പുറത്തുവെച്ച് നടന്നിട്ടുണ്ട്. കൊല്ലേണ്ടവരെ സംബന്ധിച്ച് വിവരങ്ങൾ ശേഖരിച്ച് പഠനം നടത്തിയിരുന്നുവെന്നും എൻഐഎ കോടതിയെ അറിയിച്ചു. നിലവിലെ സാഹചര്യത്തിൽ കൊലപാതക കേസുകൾ കൂടി എൻഐഎ ഏറ്റെടുത്തേക്കുമെന്നാണ് അറിയുന്നത്.