ഇതിൽപരമൊരു അപമാനമുണ്ടോ ? സ്വാതന്ത്ര ദിനത്തിൽ ബുർജ് ഖലീഫയിൽ പാകിസ്ഥാൻ പതാക പ്രദർശിപ്പിച്ചില്ല; കാത്തിരുന്ന് കാത്തിരുന്ന് കണ്ണ് കഴച്ച പാകിസ്ഥാനികൾക്ക് കടുത്ത നിരാശ

പാകിസ്ഥാൻ സ്വാതന്ത്ര്യദിനത്തില്‍ ബുർജ് ഖലീഫയിൽ രാജ്യത്തിന്റെ ദേശീയ പതാക പ്രദർശിപ്പിച്ചില്ല. പതാക തെളിയുന്നത് കാണാൻ കണ്ണിൽ എണ്ണയൊഴിച്ചു കാത്തിരുന്ന പാകിസ്ഥാനികൾ ഒടുവിൽ നിരാശരായി മടങ്ങി. ഇവർ നിരാശരായി മടങ്ങുന്നതിന്റെ വീഡിയോ സമൂഹ മാദ്ധ്യമങ്ങളിലടക്കം വൈറലാവുകയാണ്. ദൃശ്യം പകർത്തി സമൂഹ മാദ്ധ്യമങ്ങളിൽ പങ്കുവയ്ക്കാൻ വൈകുന്നേരത്തെ വെയിൽ പോലും സഹിച്ചാണ് പാകിസ്ഥാനികൾ പുലര്‍ച്ചെ വരെ ബുര്‍ജ് ഖലീഫയ്‌ക്ക് മുന്നില്‍ കുത്തിയിരുന്നത്. ഒടുവിൽ രണ്ട് മുദ്രാവാക്യവും മുഴക്കിയാണ് ഇവര്‍ മടങ്ങിയത്.

അതേസമയം നാളെ ലോകത്തിലെ ഏറ്റവും ഉയരം കൂടി കെട്ടിടത്തില്‍ ഇന്ത്യയുടെ ത്രിവര്‍ണ പതാക തെളിയും. കഴിഞ്ഞ മാസം ജൂലായില്‍ പ്രധാനമന്ത്രിയുടെ സന്ദര്‍ശനത്തിന് മുന്നോടിയായി ഇന്ത്യൻ ദേശീയപതാക ബുര്‍ജ് ഖലീഫയില്‍ പ്രദർശിപ്പിച്ചിരുന്നു. ഇതിനൊപ്പം പ്രധാനമന്ത്രി നരേന്ദ്ര മോദിയുടെ ചിത്രവും പ്രദർശിപ്പിച്ചു. ഇത് സമൂഹ മാദ്ധ്യമങ്ങളിലടക്കം വൈറലായിരുന്നു.