മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയ അപേക്ഷയുടെ മറുപടി എത്തിയത് രോഗി മരിച്ച് മൂന്ന് വർഷത്തിനു ശേഷം

മലപ്പുറം : മുഖ്യമന്ത്രിയുടെ ദുരിതാശ്വാസ നിധിയിലേക്ക് സഹായം അഭ്യർത്ഥിച്ച് നൽകിയ അപേക്ഷയ്‌ക്ക് മറുപടി എത്തിയത് രോഗി മരിച്ച് മൂന്ന് വർഷം കഴിഞ്ഞ് .പൊന്നാനി ചെറുവായ്‌ക്കര സ്വദേശി പുഴമ്പ്രത്ത് നാരായണന്റെ അപേക്ഷയിലാണ് സർക്കാരിന്റെ ഈ നടപടി. അപേക്ഷയ്‌ക്കൊപ്പം സമർപ്പിക്കേണ്ട കാർഡ്, ബാങ്ക് പാസ് ബുക്ക് എന്നിവയുടെ പകർപ്പ് ഈ മാസം 4ന് മുൻപായി നൽകണമെന്നു കാണിച്ച് ഈഴുവത്തിരുത്തി വില്ലേജ് ഓഫീസിൽ നിന്നാണ് കത്ത് എത്തിയിരിക്കുന്നത്.

അർബുദ രോഗിയായിരുന്ന നാരായണൻ ചികിത്സാ സഹായത്തിനായി നേരിട്ട് നൽകിയ അപേക്ഷയ്‌ക്ക് ചികിത്സാസമയത്ത് പ്രതികരണം ഉണ്ടായില്ല. 2019 ൽ അദ്ദേഹം മരിച്ചു. കുടുംബം അപേക്ഷയുടെ കാര്യം തന്നെ മറന്നിരിക്കുമ്പോഴാണ് കൂടുതൽ രേഖകൾ ആവശ്യപ്പെട്ട് സർക്കാരിൽ കത്ത് വരുന്നത്.