വിജ്ഞാനത്തിന്റെയും ജ്ഞാനത്തിന്റെയും കലവറയായ ശ്രീപത്മനാഭന്റെ പുണ്യഭൂമിയിൽ അറിവിന്റെ മഹോത്സവം നടത്താനൊരുങ്ങി നേതി നേതി ഫൗണ്ടേഷൻ; സെമിനാർ തത്സമയം പ്രേക്ഷകരിലെത്തിക്കാൻ കൈകോർത്ത് തത്വമയിയും

ദേശീയ താൽപ്പര്യമുള്ള വിഷയങ്ങളുടെ വെളിപ്പെടുത്താത്ത വശങ്ങൾക്കൂടി ചർച്ചചെയ്യുക, മുന്നോട്ടുള്ള പാത പ്രകാശിപ്പിക്കുക, സത്യാന്വേഷണത്തിൽ കൂട്ടായ ജ്ഞാനം വർധിപ്പിക്കുക എന്നീ ലക്ഷ്യങ്ങൾ മുന്നോട്ട് വച്ച് നേതി നേതി ഫൗണ്ടേഷൻ സംഘടിപ്പിക്കുന്ന നമുക്ക് സംസാരിക്കാം (Lets Talk) എന്ന സെമിനാർ പരമ്പരയിലെ, സെമിനാർ നാളെ വൈകുന്നേരം (25/9/2023) നാല് മണി മുതൽ 6 മണിവരെ തിരുവനന്തപുരം PMG ജംഗ്ഷനിലെ പ്രിയദർശിനി പ്ലാനിറ്റോറിയം ഹാളിൽ വച്ച് നടക്കും. പരസ്പരം പഠിക്കുന്നതിനും അറിവ് പങ്കുവയ്ക്കുന്നതിനുമുള്ള ഒരു വേദിയാണിത്.

.
മാനവരാശിക്ക് ഒരു പുതിയ യുഗത്തിന് തുടക്കമിട്ട ഭാരതത്തിന്റെ ഏറ്റവും പുതിയ വിജയഗാഥയെ കേന്ദ്രീകരിച്ചുള്ള സെമിനാറാണ് ഉദ്ഘാടന സെമിനാറായി അവതരിപ്പിക്കപ്പെടുന്നത്. “മിഷൻ ചന്ദ്രയാൻ: സിനർജി, സ്കോപ്പ് & സ്ട്രാറ്റജി” എന്ന വിഷയത്തിലാണ് ആദ്യ സെമിനാർ നടക്കുക.

മുൻ ഇന്ത്യൻ അംബാസിഡർ ടി പി ശ്രീനിവാസൻ, മുൻ വിഎസ്എസ്‌സി ഡയറക്ടറും മുഖ്യമന്ത്രിയുടെ മുൻ ഉപദേശകനുമായ എം സി ദത്തൻ ,IIST വലിയമല സാമ്പത്തിക ശാസ്ത്രം അസ്സോസിയേറ്റ് പ്രഫസർ ഡോ .ഷൈജു മോൻ സി. എസ്, മുൻ ഐഎസ്ആർഒ ചെയർമാനും ബഹിരാകാശ വകുപ്പ് മുൻ സെക്രട്ടറിയുമായ ജി .മാധവൻ നായർ എന്നിവർ സംസാരിക്കും.

വിജ്ഞാനത്തിന്റെയും ജ്ഞാനത്തിന്റെയും കലവറയായ ശ്രീപത്മനാഭന്റെ പുണ്യഭൂമിയിൽ നടക്കുന്ന ഈ അറിവിന്റെ മഹോത്സവം പ്രേക്ഷകരിലെത്തിക്കാൻ തത്വമയിയും നേതി നേതി ഫൗണ്ടേഷനൊപ്പം കൈകോർക്കും.

സെമിനാർ തത്സമയം വീക്ഷിക്കുന്നതിന് http://bit.ly/40h4Ifn എന്ന ലിങ്കിൽ പ്രവേശിക്കാവുന്നതാണ്