അവധി ദിവസത്തിന്റെ ആലസ്യമില്ല ! വിഷു ദിനത്തിലും വിശ്രമമില്ലാതെ മണ്ഡല പര്യടനവുമായി വി മുരളീധരൻ

വിഷുവിനും തെരഞ്ഞെടുപ്പ് പ്രചാരണവുമായി മണ്ഡലത്തിൽ സജീവ സാന്നിധ്യമായി ആറ്റിങ്ങൽ മണ്ഡലത്തിലെ എൻഡിഎ സ്ഥാനാർത്ഥിയും കേന്ദ്രമന്ത്രിയുമായ വി. മുരളീധരൻ. വീരകേരളപുരം ക്ഷേത്രത്തിൽ ദർശനം നടത്തിയാണ് അദ്ദേഹം വിഷു ദിനത്തിലെ പ്രചാരണ പരിപാടിക്ക് തുടക്കം കുറിച്ചത്. തുടർന്ന് ചിറയിൻകീഴ് ശർക്കര ക്ഷേത്രത്തിലും നാവായിക്കുളത്ത് ശ്രീശങ്കരനാരായണസ്വാമി ക്ഷേത്രത്തിലും വി. മുരളീധരൻ ദർശനം നടത്തി. പര്യടനത്തിലുടനീളം ജനങ്ങളുടെയും പ്രവർത്തകരുടെയും വമ്പൻ സ്വീകരണമാണ് അദ്ദേഹത്തിന് ലഭിച്ചത്.

ശ്രീ ശങ്കരനാരായണസ്വാമി ക്ഷേത്രപരിസരത്ത് ബാലഗോകുലം ആരംഭിക്കുന്ന ഉദ്യാനത്തിൽ അദ്ദേഹം പിച്ചിതൈ നട്ടു. ചെറുന്നിയൂർ പഞ്ചായത്തിലെ രണ്ട് കോളനികളും വി മുരളീധരൻ സന്ദർശിച്ചു.

പമ്പ ചാണയ്ക്യൽ കോളനിയും കല്ലുമല കോളനിയുമാണ് ഇന്നദ്ദേഹം സന്ദർശിച്ചത്.
പമ്പാ ചാണയ്ക്യൽ കോളനിയിൽ അംബേദ്കറുടെ ഛായാ ചിത്രത്തിൽ മുമ്പിൽ നിലവിളക്ക് കൊളുത്തി പുഷ്പാർച്ചന നടത്തി.രണ്ട് കോളനികളിലും തെരഞ്ഞെടുപ്പ് കാര്യാലയത്തിൻ്റെ ഉദ്ഘാടനവും അദ്ദേഹം നിർവഹിച്ചു.