ആലോചിച്ചുറപ്പിച്ച മൂന്നാം വിവാഹം “കുളമായതിന്‍റെ” കടുത്ത നിരാശയിലാണ് ജാര്‍ഖണ്ഡ് സ്വദേശി കരീം. പോലീസ് കേസും ബന്ദി നാടകവുമൊക്കെയായി വിവാഹ വാര്‍ത്ത നാടുമുഴുവന്‍ പാട്ടാകുകയും ചെയ്തതിന്‍റെ മാനഹാനി വേറെയും. നിലവിലുള്ള രണ്ട് ഭാര്യമാരോടൊപ്പം ഒരേ വീട്ടില്‍ കഴിഞ്ഞ ഏഴ് വര്‍ഷമായി കഴിയുന്ന കരീമാണ് മൂന്നാമതൊരാളെ കൂടി വിവാഹം കഴിക്കാന്‍ സുഹൃത്തുക്കളോടൊപ്പം പുറപ്പെട്ടത്. എന്നാല്‍ വിവരം അറിഞ്ഞ ഭാര്യമാര്‍ രണ്ട് പേരും തൊട്ടടുത്തുള്ള കിരിബുരു പോലീസ് സ്റ്റേഷനില്‍ പരാതി നല്‍കി. പോലീസ് സ്റ്റേഷനിലെ വിരട്ടും നിയമനടപടിയെക്കുറിച്ചുമുള്ള മുന്നറിയിപ്പുമായപ്പോള്‍ കരീം ഒതുങ്ങി. നിലവിലുള്ള രണ്ട് ഭാര്യമാരോടൊപ്പം ജീവിച്ചുകൊള്ളാമെന്ന് എഴുതി ഒപ്പിടുകയും ചെയ്തു.
അപ്പോഴാണ് അയാള്‍ അയല്‍ഗ്രാമമായ സിനിയില്‍ കാത്തിരിക്കുന്ന വധൂഗൃഹത്തെക്കുറിച്ചും കല്യാണ ഒരുക്കങ്ങളെക്കുറിച്ചും ഓര്‍ത്തത്. ഒട്ടും അമാന്തിക്കാതെ സ്വന്തം സഹോദരനെ നവവരനായി അണിയിച്ചൊരുക്കി കല്യാണ വീട്ടിലേക്ക് പറഞ്ഞുവിട്ടു. എന്നാല്‍ വധൂഗൃഹത്തിലെത്തിയ കരീമിന്‍റെ സഹോദരന്‍ റഹീമിന് നല്ല വരവേല്‍പ്പല്ല നാട്ടുകാരില്‍ നിന്ന് ലഭിച്ചത്. അവര്‍ അയാളെ നന്നായി പെരുമാറുകയും ബന്ദിയാക്കുകയും ചെയ്തു. കല്യാണ ചിലവായ രണ്ട് ലക്ഷം രൂപ നല്‍കി പ്രശ്നങ്ങള്‍ ഒതുക്കിയ ശേഷമാണ് കരീമിന് സ്വന്തം സഹോദരന്‍റെ തടി രക്ഷിക്കാനായത്.
തിരുവനന്തപുരം : ഇ പി ജയരാജനുമായി ബന്ധപ്പെട്ട വെളിപ്പെടുത്തലുകളിൽ ബിജെപി സംസ്ഥാന ഉപാദ്ധ്യക്ഷ ശോഭാസുരേന്ദ്രൻ, കെപിസിസി അദ്ധ്യക്ഷൻ കെ സുധാകരൻ,…
അമരാവതി: ആന്ധ്രാപ്രദേശിലെ നാഷണൽ ഡെമോക്രാറ്റിക് അലയൻസ് വരാനിരിക്കുന്ന തെരഞ്ഞെടുപ്പിനുള്ള സംയുക്ത പ്രകടനപത്രിക പുറത്തിറക്കി. യോഗ്യരായ സ്ത്രീകൾക്ക് പ്രതിമാസം 1500 രൂപ…