തൃശ്ശൂർ പൂരം അലങ്കോലപ്പെട്ടില്ല ഉണ്ടായത് ശ്രമം മാത്രം; വാർത്താക്കുറിപ്പിറക്കി മുഖ്യമന്ത്രിയുടെ ഓഫീസ്

തിരുവനന്തപുരം: തൃശൂർ പൂരം അലങ്കോലപ്പെട്ടിട്ടില്ലെന്ന് ആവർത്തിച്ച മുഖ്യമന്ത്രി പിണറായി വിജയൻ. പൂരം കലങ്ങി എന്നല്ല ,ഉണ്ടായത് കലാകാനുള്ള ശ്രമം മാത്രമെന്ന് അദ്ദേഹം വ്യക്തമാക്കി. വെടിക്കെട്ട് വേറെ പല കാരണങ്ങളാൽ വൈകിയതാണെന്നാണ് അദ്ദേഹത്തിന്റെ വിശദീകരണം. വിവാദങ്ങൾ ഉയർന്നതിനെ തുടർന്ന്, പൂരാഘോഷവുമായി ബന്ധപ്പെട്ട എല്ലാ നടപടികളും ഉദ്യോഗസ്ഥ തലത്തിൽ പരിശോധിക്കുമെന്നും, വീഴ്ചകൾ ഉണ്ടെങ്കിൽ അനുയോജ്യമായ ശിക്ഷ നൽകുമെന്നും മുഖ്യമന്ത്രി വ്യക്തമാക്കി. ഈ വിശദീകരണം മുഖ്യമന്ത്രിയുടെ ഓഫീസിൽ നിന്നുള്ള ഒരു വാർത്താക്കുറിപ്പിലൂടെയാണ് പുറത്ത് വിട്ടത്.

പൂരാഘോഷത്തിൽ സുരക്ഷാ ക്രമീകരണങ്ങളോട് ചിലർ എതിർപ്പ് പ്രകടിപ്പിച്ചു , ആളുകളെ ഒഴിപ്പിക്കുന്നതിൽ തടസങ്ങളുണ്ടായി., ദീപാലങ്കാരങ്ങൾ ഓഫാക്കൽ പോലെ നടപടികളുമുണ്ടായി. വെടിക്കെട്ട് വൈകി നടത്തേണ്ടി വന്നു. ചില ആചാരങ്ങൾ ദേവസ്വങ്ങൾ ചുരുക്കി നടത്തിയെന്നും വാർത്താക്കുറിപ്പില്‍ പറയുന്നു