ഇന്ന് അന്താരാഷ്ട്ര സന്തോഷ ദിനം; മനസ്സുതുറന്ന് ചിരിക്കുക; മറ്റുള്ളവരിലേക്കും സന്തോഷം പകരുക

ഇന്ന് അന്താരാഷ്ട്ര സന്തോഷ ദിനം. എന്തിനേക്കാളും ജീവിതത്തിൽ സന്തോഷമാണ് പ്രധാനമെന്ന തിരിച്ചറിവാണ് അന്താരാഷ്ട്ര സന്തോഷ ദിനമെന്ന ആശയത്തിന് തുടക്കം കുറിക്കുന്നത്. ആദ്യമായി 2012-ലെ ഐക്യരാഷ്ട്രസഭാ സമ്മേളനത്തിലാണ് അന്താരാഷ്ട്ര സന്തോഷ ദിനം ആചരിക്കുന്നത്.

മഹാമാരിയിൽ പ്രതിസന്ധിയിലായ നിമിഷങ്ങൾ, ഭൂകമ്പത്തിൽ തങ്ങളുടെ ഉറ്റവരെയും ഉടയവരെയും നഷ്ടമായവർ, യുദ്ധം മൂലം തകർന്ന ജീവിതങ്ങൾ, നാടും വീടും ഉപേക്ഷിച്ച് പലായനം ചെയ്തവർ, പ്രളയം, കാട്ടുതീ എന്നിങ്ങനെ ഒരുപാട് വെല്ലുവിളികൾക്കിടെയാണ് ഒരു സന്തോഷ ദിനം കൂടി ആഗതമായിരിക്കുന്നത്. വിഷമങ്ങളും പ്രതിസന്ധികളും കടന്നുവരുമ്പോൾ മനസ്സുതുറന്ന് ചിരിക്കുക സാധ്യമല്ല. ജീവിതത്തിൽ സ്വയം സന്തോഷം കണ്ടെത്തുന്നതോടൊപ്പം മറ്റുള്ളവർക്ക് സന്തോഷം പകർന്നുനൽകാനും ഈ ഒരു ദിവസം ഓർക്കാം.