ആവേശത്തിരയിളക്കി നെ​ഹ്റു​ട്രോ​ഫി വ​ള്ളം​ക​ളി; ന​ഗ​ര​ത്തി​ൽ ഗ​താ​ഗ​ത നി​യ​ന്ത്ര​ണ​വും കനത്ത സു​ര​ക്ഷയും, പ്രദേശം സി സി ടി വി ക്യാമറാവാലയത്തിൽ, വി​ന്യ​സി​ക്കുക രണ്ടായിരത്തിലധികം പോലീസ് ഉദ്യോഗസ്ഥരെ

ആ​ല​പ്പു​ഴ: ആവേശത്തിരയിളക്കിയ നെ​ഹ്റു​ട്രോ​ഫി വ​ള്ളം​ക​ളി​ക്ക് നാളെ കൊടിയേറുമ്പോൾ വൻ സുരക്ഷയാണ് ഏർപ്പെടുത്തിയിരിക്കുന്നത്. ഗതാഗത നിയന്ത്രണവും പോലീസ് ഏർപ്പെടുത്തിയിട്ടുണ്ട്. പു​ന്ന​മ​ട​യും പ​രി​സ​ര​വും 15 സെ​ക്ട​റു​ക​ളാ​യി തി​രി​ച്ചാണ് ജി​ല്ല പൊ​ലീ​സ്​ മേ​ധാ​വി ചൈ​ത്ര തെ​രേ​സ ജോ​ണി​ന്‍റെ നേ​തൃ​ത്വ​ത്തി​ല്‍ 20 ഡി​വൈ.​എ​സ്.​പി​മാ​ർ സുരക്ഷ ഉറപ്പ് വരുത്തുക. 50 ഇ​ൻ​സ്​​പെ​ക്​​ട​ർ​മാ​ർ, 465 എ​സ്.​ഐ​മാ​ർ എന്നി​വ​രു​ള്‍പ്പ​ടെ ര​ണ്ടാ​യി​ര​ത്തി​ല​ധി​കം പൊ​ലീ​സ്​ ഉ​ദ്യോ​ഗ​സ്ഥ​രെ വി​ന്യ​സി​ക്കുമെന്നാണ് വിവരം. കാ​യ​ലി​ലെ സു​ര​ക്ഷ​ക്കാ​യി 50 ബോ​ട്ടു​ക​ളി​ൽ പ്ര​ത്യേ​കം പൊ​ലീ​സു​കാ​രെ നി​യോ​ഗി​ക്കും. പു​ന്ന​മ​ട​ഭാ​ഗം പൂ​ർ​ണ​മാ​യും സി.​സി ടി.​വി കാ​മ​റ നി​രീ​ക്ഷ​ണ​ത്തി​ലാ​യി​രി​ക്കും. ശ​നി​യാ​ഴ്​​ച രാ​വി​ലെ ആ​റ്​ മു​ത​ൽ രാ​ത്രി എ​ട്ടു​വ​രെ ജ​ല​മേ​ള ന​ട​ക്കു​ന്ന ട്രാ​ക്കി​ന് 100 മീ​റ്റ​ർ ചു​റ്റ​ള​വി​ൽ ഡ്രോ​ൺ കാ​മ​റ​ക​ൾ നി​രോ​ധി​ച്ചു. മ​ത്സ​ര​സ​മ​യം അ​ധി​കൃ​ത​രു​ടെ അ​നു​വാ​ദ​മി​ല്ലാ​തെ ഡ്രോ​ണു​ക​ള്‍ ഉ​പ​യോ​ഗി​ക്കു​ന്ന​വ​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കും.

മാ​ല മോ​ഷ​ണം, പോ​ക്ക​റ്റ​ടി, മ​റ്റ് സാ​മൂ​ഹി​ക വി​രു​ദ്ധ പ്ര​വ​ർ​ത്ത​ന​ങ്ങ​ൾ ത​ട​യാ​ൻ ഷാ​ഡോ പൊ​ലീ​സും സ്​​പെ​ഷ​ൽ ബ്രാ​ഞ്ച് ഉ​ദ്യോ​ഗ​സ്ഥ​രു​മു​ണ്ടാ​കും. വ​ള്ളം​ക​ളി​യു​ടെ നി​യ​മാ​വ​ലി​ക​ള്‍ അ​നു​സ​രി​ക്കാ​ത്ത വ​ള്ള​ങ്ങ​ളെ​യും അ​തി​ലു​ള്ള തു​ഴ​ക്കാ​രെ​യും ക​ണ്ടെ​ത്തു​ന്ന​തി​നും മ​റ്റ് നി​യ​മ​ലം​ഘ​ക​രെ ക​ണ്ടെ​ത്തു​ന്ന​തി​നും വി​ഡി​യോ കാ​മ​റ​ക​ൾ സ​ജ്ജ​മാ​ക്കി​യി​ട്ടു​ണ്ട്. പാ​സ്, ടി​ക്ക​റ്റ്​ എ​ന്നി​വ​യു​മാ​യി പ​വി​ലി​യ​നി​ല്‍ പ്ര​വേ​ശി​ച്ചാ​ൽ വ​ള്ളം​ക​ളി തീ​രു​ന്ന​തി​നു​മു​മ്പ് പു​റ​ത്തു​പോ​യാ​ല്‍ പി​ന്നീ​ട് തി​രി​കെ പ്ര​വേ​ശി​പ്പി​ക്കി​ല്ല.